Ríkissaksóknari áfrýjar sýknudómi í LÖKE-máli til Hæstaréttar Íslands

Rík­is­sak­sókn­ari hyggst áfrýja sýknu­dómi yfir lög­reglu­mann­inum Gunnari Scheving Thor­steins­syni, í LÖKE-mál­inu svo­kall­aða, til Hæsta­réttar Íslands.

Gunnar Scheving var hand­tek­inn í apr­íl­mán­uði árið 2014 og ákærður í kjöl­farið fyrir að hafa flett upp nöfnum 45 kvenna í mála­skrá lög­reglu, svoköll­uðu LÖKE-kerfi, án þess að það tengd­ist störfum hans sem lög­reglu­maður sem og fyrir að miðla per­sónu­upp­lýs­ingum sem leynt áttu að fara til þriðja aðila.

Vegna ágalla á rann­sókn máls­ins ákvað rík­is­sak­sókn­ari að fella niður veiga­mesta ákæru­lið­inn í byrjun mars, en fór fram á að ákvörðun refs­ingar yrði frestað yrði Gunnar sak­felldur fyrir seinni ákæru­lið­inn, sem þýðir að honum yrði ekki gerð refs­ing nema hann gerð­ist aftur brot­legur við lög. Hér­aðs­dómur sýkn­aði síðan Gunnar í mál­inu þann 17. mars síð­ast­lið­inn og dæmdi að máls­kostn­aður upp á rúmar fjórar millj­ónir króna yrði greiddur úr rík­is­sjóði.

Gunnar Scheving hóf aftur störf hjá lög­regl­unni á höf­uð­borg­ar­svæð­inu í kjöl­far sýknu­dóms­ins.

„Embættið að reyna að bjarga andlitinu í fjölmiðlum“

Garðar St. Ólafsson, verj­andi Gunnars, á von á því að þetta þýði að ákæru­valdið muni gera sömu kröfur fyrir Hæsta­rétti og fyrir Hér­aðs­dómi, það er að ákvörðun refs­ingar verði frestað ef sak­fellt verður og máls­kostn­aður falli á rík­is­sjóð. „Miðað við for­dæmi rík­is­sak­sókn­ara í sam­bæri­legum málum virð­ist áfrýjun í mál­inu snú­ast meira um að reyna að bjarga and­liti emb­ætt­is­ins í fjöl­miðlum en nokkuð annað.Getur rík­is­sak­sókn­ari útskýrt hvernig þetta meinta brot rétt­lætir bæði ákæru og áfrýjun en ekk­ert ger­ist þegar lög­reglu­stjórar sann­an­lega deila upp­lýs­ingum sem bundnar eru þagn­ar­skyldu?“