Sjálfstæðisflokkurinn mælist nú með 29,4 prósent og bætir við sig fjórum prósentustigum á milli mánaða. Stuðningur við ríkisstjórnina eykst einnig lítillega og mælist nú 37,3 prósent. Þetta kemur fram í nýrri könnun MMR.
Fylgi Framsóknarflokksins, heldur áfram að dala. Flokkurinn mælist nú með 11 prósent fylgi en var með 11,8 prósent í lok nóvember.
Könnunin var framkvæmd daganna 9. til 16. desember og heildarfjöldi svarenda var 1.097 manns eldri en 18 ára.
Björt framtíð næst stærst
Sjálfstæðisflokkurinn mældist með 25,4 prósent fylgi í könnun MMR sem birt var 25. nóvember síðastliðinn. Nú mælist fylgi hans 29,4 prósent og er það mesta fylgi sem flokkurinn hefur mælst með síðan í febrúar á þessu ári. Í síðustu kosningum fékk flokkurinn 26,4 prósent atkvæða.
Samstarfsflokkur Sjálfstæðisflokks í ríkisstjórn, Framsóknarflokkurinn, heldur hins vegar áfram að dala. Flokkurinn fékk 24,4 prósent atkvæða í kosningunum í apríl í fyrra en síðan þá hefur fylgið hrunið af flokknum. Hann mælist nú með 11 prósent fylgi og er með næst minnst fylgi allra flokka sem eiga fulltrúa á Alþingi um þessar mundir.
Næst stærsti flokkur landsins samkvæmt MMR er Björt framtíð með 16,2 prósent fylgi. Fast á hæla hans fylgir Samfylkingin með 16,1 prósent fylgi en flokkarinr hafa verið að mælast á þessu bili undanfarna mánuði.
Píratar yrðu fjórði stærsti flokkur landsins ef kosið yrði í dag. Samkvæmt mælingu MMR styðja 11,4 prósent landsmanna þá. Vinstri grænir eru hins vegar minnsti flokkur landsins miðað við könnunina. Fylgi þeirra mælist 10,4 prósent.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir