Konur í framvarðasveit nýsköpunar

Fjöldi kvenna miðað við karla í heimi nýsköp­unar hefur ávallt verið nokkuð lít­ill. En það þýðir samt ekki að þær eigi minni mögu­leika á vel­gengni eða að hug­mynda­auðgi þeirra sé eitt­hvað verri en karla.

Hjá Product Hunt hefur verið tek­inn saman listi yfir vörur sem hann­aðar og fram­leiddar eru af konum. Eru þar margar stór­kost­legar hug­myndir sem maður getur vel hugsað sér að verði orðnar skyldu­eign allra á næstu árum. Hér að neðan fer listi yfir álit­leg­ustu hug­mynd­irnar á list­anum.

Þráðlaus hleðsla fyrir allt

[embed]http://www.youtube.com/watch?v=ukgnU2aXM2c[/embed]

Meredith Perry var föst á fyr­ir­lestri í háskól­anum sínum með batt­er­ís­lausa far­tölvu og ekk­ert hleðslu­tæki þegar hún átt­aði sig á að úr svona aðstæðum mætti kom­ast með ein­faldri lausn. uBeam varð til en það losar alla undan mest óþol­andi hluta nútím­ans: hleðslu­tækjum. Með úthljóðum hleður uBeam far­síma og -tölvur þráð­laust. uBeam hefur fengið 13,2 millj­ónir banda­ríkja­dala í fjár­mögnun.

Sjálfvirkur skipuleggjari

Hver á ekki í enda­lausu basli við að koma öllum verk­efnum dags­ins fyrir á einum degi? Clara Labs er sjálf­virkt kerfi sem virkar eins og staf­rænn aðstoð­ar­maður þinn. Clara Labs hjálpar þér að skipu­leggja fundi og flokkar póst­inn þinn fyrir þig. Maran Nelson er einn stofn­enda fyr­ir­tæk­is­ins sem hefur hlotið mikið hól, þrátt fyrir að hafa enn ekki fjár­magnað verk­efnið að fullu.

Fullkominn brjóstahaldari

Michelle Lam er búin að finna upp hinn full­komna brjósta­hald­ara. Fyr­ir­tæki hennar True&Co býður konum upp á að fylla út spurn­inga­lista á vef­síðu sinni og að því loknu er hægt að kaupa brjósta­hald­ara sem passar full­kom­lega. Teymi Lam hefur nefni­lega búið til algrím sem reiknar út bestu stærðir og lag­anir brjósta­hald­ara fyrir hvern við­skipta­vin, með því að nota gögn frá meira en milljón konum.

True&Co hefur fengið sex millj­ónir dala í fjár­mögnun síðan 2012.

inDi­nero er fyr­ir­tæki Jessica Mah sem hjálpar til við bók­hald og launa­greiðslur fyrir smærri fyr­ir­tæki. Fyr­ir­tækið hefur fengið 1,2 millj­ónir banda­ríkja­dala í þremur hluta­fjár­aukn­ingum.

Wanelo

[embed]http://www.youtube.com/watch?v=fsX9WnA82xk[/embed]

Með vöru Deena Vars­havskaya má versla í meira en 350.000 versl­unum í gegnum eina gátt í snjall­sím­anum þínum. Wanelo hefur fengið 14 millj­ónir dala í fjár­mögnun frá þekktum fjár­festum.

theSkimm

Frétta­kon­urnar Danielle Weisberg og Carly Zakin (á mynd með frétt) stofn­uðu theSkimm eftir að hafa sagt upp störfum hjá NBC-sjón­varps­stöð­inni. theSkimm er dag­legt frétta­bréf sem berst til áskrif­enda alla morgna með helstu fréttum dags­ins. Þær hafa þegar aflað 1,6 millj­ónir dala til að fjár­magna rekst­ur­inn.

Hopscotch

Jocelyn Leavitt og Samantha John stofn­uðu Hopscotch árið 2011 með það fyrir augum að kenna börnum að skrifa kóða og for­rit­un­ar­mál án þess að það verði íþyngj­andi eða erfitt. Hopscotch er einnig fyrsta for­rit­un­ar­málið sem hannað er fyrir far­síma. Leavitt og John hafa fengið 1,2 millj­ónir dala í fjár­mögnun.