Sérstakur saksóknari fær aukafjárveitingu

Gert er ráð fyr­ir um 215 millj­óna króna auka­fjár­veit­ingu til emb­ætt­is sér­staks sak­sókn­ara í fjár­auka­lög­um sem tek­in voru til 1. umræðu á Alþingi í gær. Frá þessu er greint í Morg­un­blað­inu í dag.

Að auki er gert ráð fyr­ir 150 millj­óna króna tíma­bundnu fram­lagi til eins árs sem nýta á í að ljúka eldri mál­um emb­ætt­is­ins, að því er segir í grein Morg­un­blaðs­ins. Alls 365 millj­ón­um króna meira en gert hafði verið ráð fyr­ir í fyrri áætl­un­um í fjár­lög­um.

Í gild­andi fjár­lög­um var fram­lag til emb­ætt­is­ins lækkað um 300 millj­ónir króna í takt við áætl­un þess um fram­gang mála, og sagði Ólafur Þór Hauksson, sér­stakur sak­sókn­ari, meðal ann­ars að þetta myndi þýða að hætta þyrfti rann­sókn mála og segja upp starfs­fólki. „Sam­kvæmt nýj­um upp­lýs­ing­um frá emb­ætt­inu mun sú áætl­un ekki stand­ast,“ seg­ir í fjár­auka­lög­um.