Gísli Freyr Valdórsson, fyrrum aðstoðarmaður innanríkisráðherra, játaði í dag, 11. nóvember 2014, að hafa lekið gögnum um hælisleitandann Tony Omos til Fréttablaðsins og mbl.is í nóvember 2013. Hanna Birna Kristjánsdóttir innanríkisráðherra rak hann samstundis úr starfi eftir að hann játaði sök í málinu fyrir henni. Gísli Freyr hafði verið í tímabundnu leyfi eftir að hafa verið ákærður fyrir lekann.
Þann 11. nóvember 1994, fyrir nákvæmlega 20 árum, baðst Guðmundur Árni Stefánsson, þáverandi félagsmálaráðherra, lausnar úr starfi í kjölfar skýrslu Ríkisendurskoðunar um embættisverk hans. Á blaðamannafundi sagði Guðmundur Árni að umfjöllun fjölmiðla og annarra um sig og sín störf, sem hefði sjaldnast byggst á málavöxtum heldur fyrst og síðast á endurtekningum, hefði augljóslega skaðað sig og haft skaðvænleg áhrif á störf sín í félagsmálaráðuneytinu. Í frétt í Morgunblaðinu af blaðamannafundinum segir að Guðmundur Árni hafi sagt að ákvörðunin hafi verið tekin til að láta minni hagsmuni víkja fyrir meiri.
[caption id="attachment_11803" align="alignright" width="150"] Guðmundur Árni Stefánsson.[/caption]
Skýrsla ríkisendurskoðunar, sem varð til þess að Guðmundur Árni sagði af sér, fjallaði ítarlega um aðdraganda starfsloka Björns Önundarsonar tryggingayfirlæknis í nóvember 1993, en hann fékk greiddar þrjár milljónir króna vegna uppgjörs á áunnu námsleyfi gegn því að hann segði upp störfum.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir