Washington Post setur Ólaf Ragnar á athyglisverðan lista

Dag­blaðið Washington Post birti á vef­síðu sinni í gær umfjöllun og lista yfir þá þjóð­ar­leið­toga sem lengst hafa setið á valda­stóli í heim­inum. Umfjöll­unin birt­ist undir fyr­ir­sögn­inni: "The world leaders who just won't step down," eða Leið­togar heims­ins sem neita að stíga til hliðar.

Umfjöllun Washington Post hefst á upp­rifjun á nýlegum mót­mælum í Burkina Faso. Þar kröfð­ust mót­mæl­endur þess að for­seti lands­ins, Blaise Compaoré, myndi láta af áformum sínum að bjóða sig aftur fram til emb­ættis for­seta, en hann hafði þá setið á valda­stóli í 27 ár. Mótmælin skil­uðu sínu, því Compaoré steig til hliðar.

[caption id="attachment_11330" align="alignnone" width="653"] Listi Washington Post.[/caption]

Á toppi list­ans trónir for­seti Kamerún, Paul Biya, með 14.361 dag á valda­stóli, en á list­anum sitja helst þjóð­ar­leið­togar frá ríkjum Afríku og Asíu. Ólafur Ragnar Grímsson, for­seti Íslands, situr í átj­ánda sæti list­ans með 6.664 daga í emb­ætti. Ólafur Ragnar er einn þriggja þjóð­ar­leið­toga frá Evrópu sem kom­ast á list­ann, hinir tveir eru Vladimir Pútín, for­seti Rúss­lands, og Alex­ander Lukashenko, for­seti Hvíta-Rúss­lands.

Í umfjöllun Washington Post segir: "Það kann að koma vest­rænum les­endum spánskt fyrir sjónir, sem margir hverjir búa í ríkjum þar sem í gildi eru tak­mark­anir á fjölda kjör­tíma­bila eða þar sem flokkapóli­tík gerir einum stjórn­mála­manni erfitt um vik að halda um valdataumana lengi, en stað­reyndin er engu að síður sú víða um heim hafa þjóð­ar­leið­togar setið í emb­ætti í ára­tugi."

[quote font="0" align="right"]"Meg­in­regla valda­skipta er að stríða gegn þeirri hug­mynd að ein­hver einn þjóð­ar­leið­togi sé ómissandi."[/quote]

Þá er vitnað til greinar sem Thomas E. Cronin, pró­fessor í banda­rískri stjórn­sýslu og leið­toga­fræðum við háskól­ann í Colorado, skrif­aði í Washington Post í jan­úar, þar sem hann færði rök fyrir áfram­hald­andi tak­mörk­unum á fjölda kjör­tíma­bila í Banda­ríkj­unum. Þar skrif­aði Cronin: "Meg­in­regla valda­skipta er að stríða gegn þeirri hug­mynd að ein­hver einn þjóð­ar­leið­togi sé ómissandi."

Í umfjöllun Washington Post er fjallað sér­stak­lega um Ólaf Ragnar. "Jafnvel í óvenju­legu til­felli Íslands, sem er eitt félags­legra lýð­ræð­is­ríkja á list­anum, hefur Ólafur Ragnar Grímsson (sem gegnir emb­ætti sem er að megn­inu til form­legt en hefur að engu síður mik­il­vægt neit­un­ar­vald) verið gagn­rýndur fyrir að gegna emb­ætt­inu of lengi."