DV hefur þurft að greiða tugi milljóna króna í skaðabætur og/eða til lögmanna á undanförnum árum og það hefur leikið fjárhag blaðsins grátt, samkvæmt úttekt Franca ehf-almannatengslafyrirtækis á stöðu DV sem blaðs og netmiðils. Höfundar úttektarinnar, fyrrum fréttamaðurinn Eggert Skúlason og Eygló Jónsdóttir almannatengill, benda á möguleika þess að blaðamenn DV taki sjálfir þátt í kostnaði af málsóknum. Þetta kemur fram í umfjöllun Morgunblaðsins um úttektina.
Í umfjöllun blaðsins segir að DV og dv.is fái falleinkun í úttektinni og höfundar hennar leggi til að ritstjórnarstefna DV verði endurskoðuð. Nauðsynlegt sé að orðið sanngirni sé að finna í ritstjórnarstefnu miðilsins og nauðsynlegt þykir að færa hana „nær því hlutverki sem fjölmiðlar geta og eiga að sinna, sem er miðlun upplýsinga á sanngjarnan og hlutlausan hátt til almennings“. Áberandi hafi verið hjá álitsgjöfum að þeir telji DV hafa dregið fólk í dilka á undanförnum árum. Sumum hafi verið hampað en aðrir fengið fyrir ferðina.
Orðspor og ímynd miðilsins meðal almennings er samkvæmt úttektinni mjög slæm. Fortíðardraugar fylgi miðlinum bæði hjá almenningi og starfsfólki.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir