Þessi grein birtist upphaflega í Stundinni fyrir meira en 8 árum.

Telja að fólk hafi ekki kynnt sér skýrslurnar nógu vel – Benedikt: „Ég kom ekkert nálægt skýrsluvinnunni“

Bene­dikt Jó­hann­es­son, formað­ur Við­reisn­ar, við­ur­kenn­ir að ekki sé hljóm­grunn­ur fyr­ir því að taka 10 þús­und króna seð­il­inn úr um­ferð. Hug­mynd­in hef­ur sætt harðri gagn­rýni.

Telja að fólk hafi ekki kynnt sér skýrslurnar nógu vel – Benedikt: „Ég kom ekkert nálægt skýrsluvinnunni“

Viðreisn gagnrýnir umræðuna um skýrslur tveggja sérfræðingahópa um skattsvik sem lagðar voru fram í dag. Á Facebook-síðu flokksins er fullyrt að margir hafi „staðnæmst við algert aukaatriði í skýrslunum, en ekki kynnt sér þær til sem skyldi.“ Í annarri skýrslunni er lagt til að 10 þúsund króna seðilinn verði tekinn úr umferð og því næst 5 þúsund króna seðillinn.

Fram kom í viðtali við Benedikt Jóhannesson, fjármálaráðherra og formann Viðreisnar, á vef RÚV um hádegisleytið í dag að hann ætlaði að beita sér fyrir því að dregið yrði úr notkun reiðufjár. „Það eru ekki margir sem eru með 10 þúsund króna seðla í vasanum. Engu að síður þá eru það helmingurinn af reiðufé í umferð samkvæmt tölum seðlabankans. Þannig að þá spyr maður, hverjir eru það sem eru með alla þessa tíu þúsund kalla,“ sagði hann og bætti við: „Með því að minnka seðlanna sem eru í umferð þá verður óþægilegra að nota þá

Í kjölfarið sætti Benedikt harðri gagnrýni í fjölmiðlum og á samfélagsmiðlum. Egill Helgason sagði að hugmyndin væri „einhver fávitalegasta efnahagsaðgerð sem maður hefur heyrt um“ og Teitur Björn Einarsson, þingmaður samstarfsflokks Benedikts í ríkisstjórn sagði að tillagan væri „kolröng nálgun og hreinlega galin hugmynd“.

Nú hefur Benedikt fjarlægt sig þeim tillögum sem kynntar voru í skýrslunum. „Ég kom ekkert nálægt skýrsluvinnunni sjálfur og gaf engar skipanir um um niðurstöður,“ skrifar hann í pistli sem birtist á vef Viðreisnar í kvöld.

„Ég kom ekkert nálægt skýrsluvinnunni sjálfur og gaf engar skipanir um um niðurstöður“

Þá viðurkennir hann, að því er varðar tillöguna um að taka 10 þúsund kallinn úr umferð, að „miðað við fyrstu viðbrögð er samfélagið ekki tilbúið í svo róttæka hugmynd.“

Benedikt telur að fæstir þeirra sem hafa tjáð sig um tillögurnar hafi lesið sér nægilega til. „Líklega hafa fæstir þeirra sem hafa tjáð sig um allar þessar tillögur í dag kynnt sér skýrslurnar enda báðar um 40 blaðsíður á lengd. Ég hvet alla til þess að kynna sér tillögurnar og móta sér svo skoðun,“ skrifar fjármálaráðherra. 

Þá bendir hann á að starfshópurinn leggi ekki til að reiðufé verði bannað. „Meðaltalsútreikningar sýna að meðal-Íslendingurinn á tæplega 200 þúsund krónur í reiðufé þar af helminginn í tíuþúsundköllum. Vegna þess að fæstir kannast við að eiga slíkar fjárhæðir í seðlum vaknar grunur um að reiðufé sé súrefni svarta hagkerfisins.“

Með því að minnka notkun reiðufjár megi þannig þrengja að svarta hagkerfinu, en ætlunin sé ekki að vega að heiðarlegu fólki.„Tillögur nefndarinnar eru heldur ekki settar fram til þess að hygla greiðslukortafyrirtækjum heldur leggur hún þvert á móti fram tillögur um gjaldfrjálsa reikninga almennings í Seðlabankanum, reikninga sem ekki bæru viðskiptagjöld,“ skrifar Benedikt. 

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

ACD-ríkisstjórnin

Unnu náið með hæsta­réttar­dómurunum meðan þeir dæmdu Arn­fríðar­mál
Fréttir

Unnu ná­ið með hæsta­rétt­ar­dómur­un­um með­an þeir dæmdu Arn­fríð­ar­mál

Arn­fríð­ur Ein­ars­dótt­ir lands­rétt­ar­dóm­ari starf­aði sjálf sem vara­dóm­ari með tveim­ur þeirra hæsta­rétt­ar­dóm­ara sem tóku af­stöðu um hæfi henn­ar og bærni til að kveða upp dóma á sama tíma og mál­ið var til með­ferð­ar. Hinir þrír sem vald­ir voru í Lands­rétt í trássi við stjórn­sýslu­lög störf­uðu einnig ná­ið með hæsta­rétt­ar­dómur­un­um með­an Hæstirétt­ur tók fyr­ir mál sem hefði getað sett dóm­ara­störf fjór­menn­ing­anna í upp­nám.

Mest lesið

Einn á skútunni í 312 daga: „Ég er minn eigin herra“
5
Viðtal

Einn á skút­unni í 312 daga: „Ég er minn eig­in herra“

„Ég er nú meira fífl­ið, hvað er ég eig­in­lega að gera hér?“ hugs­aði sir Robin Knox Johnst­on með sér þeg­ar hann var að sigla und­an strönd­um Ástr­al­íu og heyrði tón­list­ina óma frá landi. Sú hugs­un varði ekki lengi og hann hefði aldrei vilj­að sleppa þeirri reynslu að sigla einn um­hverf­is jörð­ina. Nú hvet­ur hann aðra til að láta drauma sína ræt­ast, áð­ur en það verð­ur of seint.

Mest lesið

Mest lesið í vikunni

Mest lesið í mánuðinum

Hann var búinn að öskra á hjálp
3
Viðtal

Hann var bú­inn að öskra á hjálp

Hjalti Snær Árna­son hvarf laug­ar­dag­inn 22. mars. For­eldr­ar hans lásu fyrst um það í frétt­um að hans væri leit­að í sjón­um, fyr­ir það héldu þau að hann væri bara í göngu­túr. En hann hafði lið­ið sál­ar­kval­ir, það vissu þau. Móð­ir Hjalta, Gerð­ur Ósk Hjalta­dótt­ir, lýs­ir því hvernig ein­hverf­ur son­ur henn­ar gekk á veggi allt sitt líf, og hvernig hann veikt­ist svo mik­ið and­lega að þau voru byrj­uð að syrgja hann löngu áð­ur en hann var dá­inn.

Mest lesið í mánuðinum

Nýtt efni

Mest lesið undanfarið ár