Skugga­kosn­ingar fóru fram í fram­halds­skólum lands­ins dag­ana 10. til 13. októ­ber og verða nið­ur­stöður birtar eftir að kjör­stöðum lokar á morgun, laug­ar­dag. Þá verður hægt að bera nið­ur­stöður Alþing­ins­kosn­inga saman við nið­ur­stöður ung­menna sem hafa ekki enn náð aldri til að kjósa.

Skugga­kosn­ingar voru verk­efni styrkt af inn­an­rík­is­ráðu­neyt­inu, mennta- og menn­inga­mála­ráðu­neyt­inu og Sambandi íslenskra sveit­ar­fé­laga með það að marki að auka kosn­inga­þátt­töku ungs fólks. Í skugga­kosn­ing­unum gafst ungu fólki tæki­færi til þess að kynna sér mál­efni og koma sínum skoð­unum á fram­færi. Kosn­ing­arnar voru á vegum lýð­ræð­isátaks­ins Ég kýs, sem vinnur að því að efla áhuga ungs fólks á stjórn­málum, og hvetja þau til að kjósa eftir upp­lýstri ákvörðun.

Kosn­inga­þát­taka á Íslandi er að minnka með árunum, en sam­kvæmt skráðri kjör­sókn eftir aldri í sveita­stjórn­ar­kosn­ing­unum 2014 mættu aðeins 45,4% fólks á aldr­inum 20-24 ára á kjör­stað. Samt sem áður hefur margt ungt fólk mik­inn áhuga á stjórn­málum og …