Þorsteinn Sæmundsson, þingmaður Framsóknarflokksins úr Suðvesturkjördæmi, ætlar að sækjast eftir oddvitasæti á framboðslista Framsóknarflokksins í Reykjavíkurkjördæmi norður í næstu þingkosningum.

Þetta kemur fram í fréttatilkynningu sem hann sendi frá sér rétt í þessu.

„Undirritaður hyggst á tvöföldu kjördæmisþingi sem haldið verður í Reykjavík í ágúst sækjast eftir 1. sæti á framboðslista Framsóknarflokksins í Reykjavíkurkjördæmi Norður í næstu alþingiskosningum. Ákvörðun mín er tekin vegna hvatningar sem ég hef fengið frá Framsóknarmönnum í Reykjavík á framboði mínu þar. Einnig hefur brotthvarf tveggja reyndra þingmanna úr kjördæminu áhrif á ákvörðum mína en brýnt er að fylla það skarð sem þeir láta eftir. Ég mun senda kjörstjórn flokksins í Reykjavík tilkynningu um framboð mitt innan nokkurra daga,“ skrifar Þorsteinn.