„Jú, ég veit alveg hver staðan er á málunum. Það er langbest að þú talir bara við hann,“ segir Eyþór Arnalds, stjórnarmaður í Thorsil, aðspurður um af hverjum fyrirtækið muni kaupa 87 MW raforku fyrir kísilmálmverksmiðju sína í Helguvík á Reykjanesi. Eyþór veit því hver staðan er á málinu en vill ekki ræða það. Fjallað er um málið í Fréttablaðinu í dag þar sem framkvæmdastjóri Thorsil, Hákon Björnsson, segir: „Við erum búnir að tryggja okkur samning um 87 MW raforku fyrir verksmiðju okkar í Helguvík. Hvaðan það kemur get ég ekki upplýst um á þessu stigi málsins en það upplýsist fljótlega,“ segir Hákon við blaðið en Thorsil hefur hingað til átt í viðræðum við Landsvirkjun um kaup á rafmagni fyrir kísilverksmiðjuna.
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Thorsil-málið
Endurteknir hagsmunaárekstrar Bjarna vegna viðskipta ættingja hans
Sú staða hefur endurtekið komið upp í ráðherratíð Bjarna Benediktssonar að fyrirtæki Einars Sveinssonar, föðurbróður hans, tengist viðskiptum við opinbera eða hálfopinbera aðila sem lúta ráðherravaldi Bjarna. Nú er það Lífeyrissjóður starfsmanna ríkisins sem íhugar að kaupa hlutabréf í kísilmálmfyrirtækinu Thorsil sem fyrirtæki Einars er hluthafi í en Bjarni skipar fjóra af átta stjórnarmönnum sjóðsins. Gengur þessi staða upp samkvæmt lögum og reglum í íslensku samfélagi?
Lífeyrissjóður starfsmanna ríkisins íhugar að fjárfesta í fjölskyldufyrirtæki fjármálaráðherra
Kísilverksmiðjan Thorsil, sem er meðal annars í eigu fjölskyldumeðlima Bjarna Benediktssonar fjármálaráðherra, á í vanda með fjármögnun. Stuðningur stjórnarmanna Lífeyrissjóðs starfsmanna ríkisins, sem skipaðir eru af Bjarna Benediktssyni getur orðið lykillinn að lausn á vanda verksmiðjunnar. Meðal annarra hluthafa Thorsil er Eyþór Arnalds og Guðmundur Ásgeirsson sem hefur verið viðskiptafélagi föður Bjarna í áratugi.
Hæg heimatök: Um aðgengi fjölskyldu Bjarna Benediktssonar að fjármunum ríkisins
Fyrirtæki tengd fjölskyldu Bjarna Benediktssonar fjármálaráðherra hafa frá því Bjarni hóf afskipti af stjórnmálum verið stórtæk í samningum og viðskiptum við ríkið. Hafa þau gert einstaka ívilnanasamninga við yfirvöld, keypt eignarhlut fyrirtækja í eigu ríkisins án formlegra söluferla og notið góðs af lagasetningum Bjarna. Eyjan fjallaði um viðskipti ráðherrans í fyrra.
Dagný Alda Steinsdóttir
Íbúar kjósa um framtíð Reykjanesbæjar: Verksmiðjubær eða náttúruperla?
„Loftgæði munu rýrna, sjónmengun aukast og samfara því mun fasteignaverð falla,“ skrifar Dagný Alda Steinsdóttir, íbúi í Reykjanesbæ, um þriðju stóriðjuna sem til stendur að reisa í bænum.
„Græn“ efnavinnsla látin víkja fyrir kísilveri Thorsil
Félagið Atlantic Green Chemicals hefur stefnt Reykjanesbæ og Thorsil ehf. Telja sig eiga kröfu á lóð sem bærinn hefur veitt Thorsil. Bæjarstjórinn segir engin gögn styðja fullyrðingar forsvarsmanna fyrirtækisins.
Þetta eru eigendur kísilverksmiðjunnar: Sterk tengsl við Sjálfstæðisflokkinn
Fjárfestingarsamningur vegna kísilverksmiðju Thorsil í Reykjanesbæ er nú fyrir Alþingi. Nokkrir af eigendum verksmiðjunnar eru með sterk tengsl við Sjálfstæðisflokkinn. Ríkisstjórnin þarf að virkja til að Thorsil fái rafmagn fyrir reksturinn.
Athugasemdir