Sveinn Andri vill að Biggi lögga verði rekinn

Sveinn Andri Sveins­son hæsta­rétt­ar­lög­maður vill að Birgir Örn Guð­jóns­son, öðru nafni Biggi lögga, verði rek­inn eða settur út í horn vegna yfir­lýs­ingar hans um hópnauðg­un­ar­málið í Breið­holti sem fjöl­miðlar greindu frá í gær. 

Orðrétt skrif­aði Birgir Örn: „Þó svo að rétt­ar­kerfið nái ekki utan um brot ykkar þá gerir sam­fé­lagið það. Ég þekki ykkur ekki og ekki heldur stúlk­una og ég veit ekki nákvæma mála­vexti. Ég þarf þess heldur ekki. Það sem ég veit er að þið not­uðuð lík­ama sextán ára ölv­aðrar stúlku. Þið skipt­ust á að ríða henni og tókuð það upp á mynd­band. Hvað voruð þið að hugsa? Sama hver aðdrag­and­inn var eða hver sagði hvað að þá áttuð þið alltaf að vita að þetta væri svo kol­rangt. Þó svo að dóm­stóll hafi sýknað ykkur þá þurfið þið að lifa við þennan verknað ykkar. Sam­fé­lagið hefur dæmt ykkur seka.“

Sveinn Andri, sem gegndi verj­enda­störfum fyrir einn mann­anna sem ákærðir voru fyrir nauðgun en fengu sýknu­dóm á föstu­dag, túlkar ummæli Bigga löggu á þann veg að hann sé að kalla hina sýkn­uðu „nauð­gara“. 

„Ef allt er með felldu hjá lög­regl­unni á höf­uð­borg­ar­svæð­inu fær hann upp­sagn­ar­bréf“

„Á opin­berum vett­vangi, þar sem hann kennir sig við lög­regl­una, kallar þessi Biggi sak­born­inga sem sýkn­aðir voru nauð­gara. Lög­reglu­menn sem ég hef rætt við eru rasandi og segja „Bigga löggu" brjóta gegn grund­vall­ar­reglum sem menn eiga að til­einka sér eftir nám í Lög­reglu­skól­anum og koma óorði á stétt­ina,“ skrifar Sveinn Andri. „Þessi maður er varð­stjóri á Kópa­vogs­stöð­inni og því iðu­lega fyrsti stjórn­andi á vett­vangi glæps. Til slíkra verka verður að vera gerð krafa um lág­marks dóm­greind og hlut­leysi. Ef allt er með felldu hjá lög­regl­unni á höf­uð­borg­ar­svæð­inu fær hann upp­sagn­ar­bréf afhent í fyrra­málið, eða verður settur i gangbrautarvörzlu. Ég mun a.m.k. senda lög­reglu­stjóra form­legt erindi.“

Hér að neðan má sjá ummæli Bigga löggu í heild:

Hér má sjá færslu Sveins Andra: