FMB-teymið er við­bót­ar­þjón­usta við göngu­deild geðsviðs Land­spít­al­ans. Þar er unnið með for­eldrum með alvar­legan geð­rænan vanda, sem eiga von á barni eða eru með barn á fyrsta ári. Þangað mæta for­eldrar í sam­tals­með­ferð en sér­stök áhersla er lögð á tengsla­efl­andi inn­sæ­is­vinnu sem miðar að því að styrkja tengsl for­eldra við barn. Í fyrra var 130 barns­haf­andi konum eða nýbök­uðum mæðrum vísað til teym­is­ins.

Pabbarnir vita ekki hvað þeir eru mikilvægir

Börnin eru tekin með í með­ferð­ina og þjón­ustan stendur bæði mæðrum og feðrum til boða. Elísabet segir að feður átti sig oft ekki á því sjálfir að þeir séu hluti af heild­ar­mynd­inni, geti bæði verið hluti af vanda­mál­inu og lausn þess. „Það mynstur sem við sjáum oft þegar við tökum á móti pörum er að mömmu líður illa og pabbi veit ekki hvernig hann á að tækla málið, líður jafn­vel illa sjálfum. Marga vantar skiln­ing á því hvað …