Stjúp­móðir rúm­lega tví­tugrar stúlku frá Akureyri, sem birti sam­skipti þeirra tveggja á Facebook um helg­ina, seg­ist sjá eftir orðum sínum, en hún kall­aði stjúp­dóttur sína meðal ann­ars „svín­feita“ og ræddi um að láta sér­sauma útskrift­ar­kjól hennar vegna offitu. Stundin sagði frá því í gær að færslu stúlkunnar, þar sem hún sýndi sam­skiptin við stjúp­móður sína, hefði verið deilt um þús­und sinnum á Facebook.

„Ég man ekki einu sinni eftir þessum gjörn­ingi, en ég sit uppi með hann,“ segir stjúp­móð­irin í sam­tali við Stundina.

Niðurbrjótandi skilaboð frá stjúpmóður

Mynd: Facebook

Sam­skiptin tengd­ust því að stúlkan var að útskrif­ast úr mennta­skóla. Fjöl­margir lýstu því yfir að um and­legt ofbeldi væri að ræða, en að sögn móður stúlkunnar hefur það við­geng­ist árum saman og hafa skila­boð hennar til stjúp­dótt­ur­innar áður verið til­kynnt til lög­reglu.

„Hæ, ertu búin að finna þér eitt­hvað til að vera í við útskrift­ina?“ spurði stjúp­móð­irin í Facebook-skila­boð­unum. „[Faðir stúlkunnar] var að tala um við mig að hann hefði áhyggjur af þessu, sko. Þú værir búin að bæta svo miklu á þig, sagði hann… Fullt af góðum sauma­konum sem geta reddað þér. Vonandi finnur þú eitt­hvað, vina, erfitt að vera svona stutt og feit. Allavega vona ég það besta þín vegna, maður útskrif­ast bara einu sinni úr VMA [Verk­mennta­skól­anum á Akureyri]“.

Spyr hvort stjúpdóttirin ætli „beint á bætur“

Mynd: Facebook

Í kjöl­farið spyr hún stjúp­dóttur sína út í það hvað hún vilja læra í háskóla. „Væri kannski bara snið­ugt að sækja um hlut­laust nám til að byrja með, s.s. nútíma­fræði er í raun fyrir þá sem vita ekk­ert í sinn haus og geta þá valið áfram. Bara svona þanka­gangar hjá mér og [föður þínum], sko, þannig að þú fáir tæki­færi til að mennta þig frekar í stað lág­launa­starfa :) ... Eða ertu kannski bara að spá í að fara beint á bætur? Gaman að fá að fylgj­ast með, margir að spyrja mig en ég veit svo lítið annað en þú býrð hjá pabba þínum sem er enn eina með­ferð­ina á Vogi og fleira. 
Leið­in­legt fyrir þig að passa ekki í neitt og svona. 
Dullu­vor­kenni þér.
Elskan, segðu nú eitt­hvað :)“

Sam­skiptin halda síðan áfram í svip­uðum dúr, en að lokum bregst stjúp­móð­irin hvumsa við beiðni um að hún hætti þessum sam­skipta­háttum og seg­ist bara vera að hjálpa.

Stjúpmóðirin biður um skilning

Stjúp­móð­irin seg­ist í sam­tali vð Stundina glíma við alvar­legt þung­lyndi sem hafi komið í kjöl­far son­ar­missis fyrir nokkrum árum. „Ég hef átt erfitt upp­dráttar en var búin að ná mér nokkuð vel á strik. Svo kom bakslag núna í kringum dán­ar­dag hans, 2. maí, og ég byrj­aði að vera með mjög miklar svefn­trufl­anir. Var farin að þjást af kvíða og þung­lyndi. Svo ger­ist eitt­hvað. Ég man ekki einu sinni eftir þessum gjörn­ingi, en ég sit uppi með hann. Ég ætl­ast ekki til þess að fólk sýni mér vor­kunn fyrir þennan gjörn­ing, en ég myndi kannski þiggja að fólk sýndi pínu­lít­inn skiln­ing,“ segir stjúp­móð­irin enn­fremur. Hún seg­ist vita upp á sig sök­ina og að hún ein þurfi að bera ábyrgð á orðum sínum. Um helg­ina hafi hún því lagst inn á sjúkra­hús vegna þung­lynd­is­ins og seg­ist stað­ráðin í að vinna í sínum málum. „Ég er að reyna að leita mér hjálpar. Ég er mjög illa stödd.“