Stjórnendur Isavia teknir á teppið fyrir að þiggja boðsferð: „Aðeins frímiðar eftir“

Hlynur Sig­urðs­son, fram­kvæmda­stjóri Flug­stöðvar Leifs Eiríks­sonar, við­ur­kennir að það hafi verið mis­tök að þiggja boðs­ferð Icelandair til Osló árið 2013. Í til­kynn­ingu sem Stund­inni barst rétt í þessu kemur fram að yfir­stjórn Isavia hafi farið yfir málið með bæði Hlyni og Guðmundi Daða Rún­ars­syni, aðstoð­ar­fram­kvæmda­stjóra Isavia, og þeim hafi verið veitt til­tal vegna máls­ins. Líkt og Stundin greindi frá fyrr í dag fóru Hlynur og Guð­mundur í skemmti­ferð til Osló í boði Icelandair til að sjá lands­leik Íslands og Noregs í und­ankeppni HM. Um er að ræða alvar­legan hags­muna­á­rekstur þar sem Icelandair er aðeins eitt margra flug­fé­laga sem kaupir þjón­ustu af Isavia. Í til­kynn­ingu frá Isavia er því haldið fram að þetta sé eina dæmið um að fram­kvæmda­stjórar félags­ins hafi þegið boð af þessu tagi. Þeir Hlynur og Guð­mundur hafa nú greitt fyrir ferð­ina að sögn tals­manns Isavia, Guðna Sig­urðs­sonar.

Yfirlýsingin í heild sinni

Vegna fyr­ir­spurnar Stund­ar­innar vegna boðs­ferðar tveggja starfs­manna Isavia til Oslóar.

„Þeir upp­lýstu að til hafi staðið að kaupa sér far­miða í umrædda ferð og rætt það við Icelandair en þá aðeins verið frí­miðar eftir í flugið“

Fjöldi flug­fé­laga hafa boðið stjórn­endum Isavia í ákveðnar ferðir, en sam­kvæmt reglum félags­ins er óheim­ilt að þiggja slík boð. Í ein­staka til­fellum hefur verið talið mik­il­vægt að fara í ferðir sem komnar eru til með þessum hætti vegna við­skipta­tengsla erlendis en þá er alltaf greitt fyrir far­mið­ann af félag­inu. Ekki var um við­skipta­ferð  að ræða í þessu til­viki og var yfir­stjórn félag­ins ekki kunn­ugt um hana. Starfs­menn­irnir voru beðnir að útskýra hvað þarna hefði gerst þar sem þetta var ekki í sam­ræmi við reglur félags­ins. Þeir upp­lýstu að til hafi staðið að kaupa sér far­miða í umrædda ferð og rætt það við Icelandair en þá aðeins verið frí­miðar eftir í flugið sem þeir ósk­uðu eftir að kaupa. Þeir við­ur­kenna þó þau mis­tök að hafa ekki fylgt því eftir við Icelandair að greiða fyrir far­mið­ana og taka fulla ábyrgð á þessum mis­tökum. Þeir hafa nú greitt fyrir mið­ana. Þetta er einu til­vikin sem um ræðir hjá fram­kvæmda­stjórum félags­ins þar sem segja mætti að boð af þessu tagi hafa verið þegin.

Yfir­stjórn félags­ins hefur farið yfir málið með umræddum starfs­mönnum og veitt þeim til­tal vegna þess.​