Íslensk-ind­verska söng­konan Leoncie seg­ist hafa orðið fyrir for­dómum og hót­unum frá sam­kyn­hneigðum, í kjöl­far ummæla hennar um sam­kyn­hneigða vegna hinseg­in­fræðslu í Hafn­ar­firði. Hún hefur sent Stund­inni afrit af bréfi, sem hún full­yrðir að sé frá Sam­tök­unum '78, þar sem skrifuð var morð­hótun í hennar garð.

Leoncie tengdi hinsegin fræðsl­una við hvatn­ingu til nauð­gana í ummælum sínum á Facebook-síðu Gylfa Ægis­sonar, þjóð­laga­söngv­ara og and­stæð­ingi hinseg­in­fræðslu og hinseg­in­göng­unnar. Jafn­framt hvatti hún for­eldra til að kæra vegna hinseg­in­fræðsl­unnar. „Næst fara kenn­arar til skól­ans og heila­þvo börnin að það er allt í lagi að nauðga. For­eldr­arnir ættu að lög­sækja svona kenn­ara og skóla­stjóra sem ráða þessa öfugugga að kenna börnum. Börnin eru í hættu með svona kyn­ferð­is­lega klikk­uðum kenn­urum,“ sagði hún. 

Kæra hatursfull ummæli

Samtökin '78 hafa kært tíu ein­stak­linga fyrir hat­urs­full ummæli í tengslum við umræð­una um hinseg­in­fræðsl­una. Í yfir­lýs­ingu frá stjórn sam­tak­anna segir: „Þeir ein­stak­lingar sem hefur verið ákveðið að kæra hafa kynt undir orð­ræðu sem við teljum vega gróf­lega að rétti hinsegin fólks til frið­helgi einka­lífs, fjöl­skyldu og fyllsta jafn­réttis. Réttinda sem vernduð eru af stjórn­ar­skrá lýð­veld­is­ins Íslands og þeim alþjóð­legu sátt­málum sem Ísland er aðili að, þar með talið mann­rétt­inda­sátt­mála Evrópu.“

Lög banna háð, rógburð og smánun

Þótt stjórn­ar­skrá og lög tryggi tján­ing­ar­frelsi á Íslandi eru einnig lög sem banna svo­kall­aðan hat­ursá­róður gegn til­teknum þjóð­fé­lags­hópum. Í íslenskum hegn­ing­ar­lögum er kveðið á um sektir eða allt að tveggja ára fang­elsi fyrir orð­ræðu:

„Hver sem opin­ber­lega hæð­ist að, róg­ber, smánar eða ógnar manni eða hópi manna með ummælum eða ann­ars konar tján­ingu, svo sem með myndum eða táknum, vegna þjóð­ernis, lit­ar­háttar, kyn­þáttar, trú­ar­bragða, kyn­hneigðar eða kyn­vit­undar, eða breiðir slíkt út, skal sæta sektum eða fang­elsi allt að 2 árum.“

Kæra Sam­tak­anna '78 byggir á þess­ari laga­grein. 

Í fjöl­miðla­lögum er einnig kveðið á um bann við hat­ursá­róðri. Í skýr­ingum með frum­varpi til fjöl­miðla­laga segir að munur sé á mál­efna­legri gagn­rýni, stjórn­mála­um­ræðu og skoð­ana­á­grein­ingi: „Mik­il­vægt er að gera grein­ar­mun á hat­ursá­róðri ann­ars vegar og mál­efna­legri gagn­rýni, stjórn­mála­um­ræðu og skoð­ana­á­grein­ingi hins vegar. Hat­ursá­róður er skil­greindur sem tal, texti, tján­ing, hegðun og/eða fram­koma sem birt­ist í texta, hljóði og/eða mynd þar sem hvatt er til ofbeldis, for­dóma og/eða for­dóma­fullrar hegð­unar gegn ein­stak­lingi eða hópi af fólki og/eða með því að van­virða, smána, hræða og/eða ógna við­kom­andi ein­stak­lingi eða hópi ... Hat­ursá­róður þykir sér­stak­lega skað­legur þegar hann birt­ist í hljóð- og mynd­miðlum vegna þess slag­krafts og þeirrar útbreiðslu sem slíkir miðlar hafa.“

Fordæmingar á Útvarpi sögu

Fjöldi inn­hringj­enda á Útvarpi sögu for­dæmdi hinseg­in­fræðsl­una og Samtökin '78 í síð­ustu viku. 

„Þetta er bara eins og barnaklám eða eitt­hvað,“ full­yrti einn inn­hringj­andi, sem kall­aði sig Halldóru. Annar inn­hringj­and­inn, að nafni Krist­jana, sagð­ist hringja inn út af þessu „bölv­aða máli í sam­bandi við sam­kyn­hneigða. Að það skuli leyfa að kenna þetta í skólum. Ætla þeir að sýna hvernig þeir eðla sig? Ég ætla nú bara að vera dóna­leg. Ég myndi bara spyrja þessa nítján ára stelpu hvort hún ætlar að gera það.“

„Ég hugsa að sumir hugsi þannig að það sé bara allt í lagi,“ svar­aði þátt­ar­stjórn­and­inn, Pétur Gunn­laugs­son. „Mér finnst að hún eigi bara að sýna hvernig hún og hennar lesbía myndi eðla sig fyrir framan börnin. Það er raun­veru­legt og þá ofbýður börn­unum, held ég að hljóti að vera,“ segir inn­hringj­and­inn og vísar til bæj­ar­full­trúa Sam­fylk­ing­ar­innar sem lagði fram til­lög­una. Krist­jana hvetur til þess að lög­regla ræði við hana.

„Það er bara verið að særa blygð­un­ar­kennd þess­ara barna. Ég skil bara ekki hvernig nokkrum dettur þetta í hug. Þetta er bara refsi­vert athæfi í raun og veru,“ segir þátt­ar­stjórn­and­inn.

Meint morð­hótun Leoncie hefur sent fjöl­miðlum bréfið, sem hún segir að hafi borist sér und­ir­ritað af Sam­tök­unum '78.

Mynd: Leoncie

Morðhótunarbréf Leoncie

Leoncie hefur sent til fjöl­miðla bréf sem að hennar sögn er morð­hótun í hennar garð. Bréfið er und­ir­ritað: „Samtökin '78“. 

„Mál­fresli á Íslandi er aðeins fyrir „gay bullies“. Þau nota fjöl­skyldu­tengsl til að hóta fólki sem nota mál­frelsi sitt og þessi morð­hótun er ógeðs­leg!“ segir Leoncie í bréfi til fjöl­miðla. Í hand­rit­uðu, skönn­uðu bréfi, sem Leoncie vísar til, segir:

„Drullaðu í burtu frá Íslandi, áður en þú ert Drepinn. Ind­verska viðrinið þitt. 

Samtökin 78.“

Gylfi segist líka hafa fengið morðhótun

Þjóð­laga­söngv­ar­inn Gylfi Ægisson tekur undir með Leoncie. „Þetta er rétt hjá Leoncie India Samtökin '78 eru hat­urs­sam­tök að mínu mati og ættu að skamm­ast sín fyrir árásir á fólk á kommenta síð­unum. Fólk forðar sér af þeim eftir árásir þeirra eins og í þessum ógleði­göngum Hinsegin Daga og nú á að reyna að heila­þvo börn í grunn­skólum. Þvílík þjóðar skömm. Skammist ykkar öll í Sam­tök­unum '78. Ég fékk morð­hótun í gær en Leoncie India í dag.“

„Það mun aldrei vera gefið upp hverjir eru kærðir.“

Í sam­tali við Stundina þver­tekur Björg Val­geirs­dóttir, lög­maður Sam­tak­anna '78, fyrir að sam­tökin standi fyrir því að hafa sam­band við Leoncie eða Gylfa með þessum hætti. 

Þá segir hún að ekki verði gefið upp hverjir séu þeir tíu sem eru kærðir af sam­tök­unum fyrir hat­urs­full ummæli. „Það mun aldrei vera gefið upp hverjir eru kærðir,“ segir hún.