Sölu á eign­ar­hlut rík­is­sjóðs í Sjóvá-Almennum trygg­ingum hf. lauk í gær og var sölu­gengi í útboð­inu ákveðið 12,91 kr. á hlut. Að því er fram kemur á vef Lands­bank­ans, sem hafði umsjón með útboð­inu, var heild­ar­sölu­verð­mæti sam­þykktra til­boða eftir skerð­ingu rúm­lega 2,8 millj­arðar króna og ganga kaupin í gegn á morgun, mið­viku­dag. 

Til­boðs­frest­ur­inn í útboð­inu var stuttur; allur eign­ar­hlutur rík­is­ins var boð­inn til sölu á föstu­dag­inn síð­ast­lið­inn kl. 16:09 og til­boðs­frest­ur­inn rann út á mánu­dag kl. 8:30. 

„Á grund­velli reglna Lind­ar­hvols ehf. um umsýslu, fulln­ustu og sölu eigna, þar sem segir að sala og ráð­stöfun skuli eiga sér stað að und­an­gengnu opnu til­boðs­ferli, þar sem gætt sé gagn­sæis og jafn­ræðis bjóð­enda, fór salan fram í útboði sem aug­lýst var opin­ber­lega eftir lokun mark­aða þann 23. sept­em­ber 2016,“ segir á vef Lind­ar­hvols, einka­hluta­fé­lag sem heyrir undir Bjarna Bene­dikts­son fjár­mála- og efna­hags­ráð­herra og ann­ast umsýslu, fulln­ustu og sölu rík­is­eigna.

Hlut­ur­inn í trygg­inga­fé­lag­inu Sjóvá er ein af þeim eignum sem runnu rík­is­sjóði í skaut eftir að kröfu­hafar fall­inna við­skipta­banka og spari­sjóða reiddu fram svo­nefnd stöð­ug­leika­fram­lög. Fjármála- og efna­hags­ráð­herra tengd­ist sjálfur þeim við­skipta­gjörn­ingum fyrir hrun sem leiddu til þess að trygg­inga­fé­lagið fór á hlið­ina. Nú, átta árum seinna, bar hann sem fjár­mála­ráð­herra póli­tíska ábyrgð á sölu eign­ar­hluts rík­is­ins í félag­inu. Því verki er nú lokið.