„Skýrsla meirihluta fjárlaganefndar“ var ekki afgreidd úr fjárlaganefnd: Guðlaugur og Vigdís borguðu sjálf

Fulltrúi Fram­sókn­ar­flokks­ins í fjár­laga­nefnd segir að verk­lagið hafi verið óform­legt og Alþingi ekki greitt kostn­að­inn vegna þess að heim­ild hafi vantað. Samt er skýrslan kennd við fjár­laga­nefnd Alþingis. „Þetta er ekki þing­skjal, þetta er óyf­ir­lesið, þarna eru staf­setn­ing­ar­villur, engin nöfn undir en samt er þetta kennt við meiri­hluta fjár­laga­nefndar án þess að gefið sé upp hvaða meiri­hluti það er. Ég vil ekki láta bendla mig við þetta,“ segir Oddný G. Harð­ar­dóttir, for­maður Sam­fylk­ing­ar­innar, í sam­tali við Stundina.

Skýrsla um end­ur­reisn íslenska banka­kerf­is­ins á síð­asta kjör­tíma­bili sem kynnt var í gær og kennd er við „meiri­hluta fjár­laga­nefndar Alþingis“ var aldrei rædd í fjár­laga­nefnd.

Þetta stað­festa tveir nefnd­ar­menn, þau Haraldur Bene­dikts­son úr Sjálf­stæð­is­flokknum og Oddný G. Harð­ar­dóttir, for­maður Sam­fylk­ing­ar­innar og annar vara­for­maður nefnd­ar­innar, í sam­tali við Stundina.

Umrædd skýrsla virð­ist vera ópróf­arka­lesin og byggir að miklu leyti á úrklippum, eða skjá­skotum, af gögnum sem þegar eru komin fram. Þá er orða­lag skjals­ins afar frá­brugðið því sem tíðkast í þing­skjölum. 

„Þetta er ekki þing­skjal, þetta er óyf­ir­lesið, þarna eru staf­setn­ing­ar­villur, engin nöfn undir en samt er þetta kennt við meiri­hluta fjár­laga­nefndar án þess að gefið sé upp hvaða meiri­hluti það er. Ég vil ekki láta bendla mig við þetta. Við kvörtum auð­vitað til for­seta Alþingis því þarna er verið að mis­nota nafn nefnd­ar­innar,“ segir Oddný í sam­tali við Stundina. 

Stundin sendi full­trúum stjórn­ar­flokk­anna í fjár­laga­nefnd fyr­ir­spurn seint í gær­kvöldi og spurði hvort þeir stæðu að skýrsl­unni ásamt Vigdísi Hauks­dóttur og Guðlaugi Þór Þórð­ar­syni, for­manni og vara­for­manni nefnd­ar­innar. Enginn svar­aði. 

Stundin hringdi því í Harald Bene­dikts­son og Pál Jóhann Pálsson, sem sitja í nefnd­inni fyrir hönd Sjálf­stæð­is­flokks­ins og Fram­sókn­ar­flokks­ins.

Haraldur Benediktsson
Haraldur Bene­dikts­son þing­maður Sjálf­stæð­is­flokks­ins

Þegar Haraldur er spurður hvort hann og meiri­hluti fjár­laga­nefndar standi að skýrsl­unni ásamt for­manni og vara­for­manni segir hann: „Þau unnu þessa skýrslu og við erum í meiri­hlut­anum.“ En eru þau öll sam­mála nið­ur­stöðum skýrsl­unnar? „Já, já,“ svarar Haraldur.

Aðspurður hvort skýrslan hafi verið afgreidd út úr fjár­laga­nefnd segir Haraldur: „Nei, nei, hún hefur ekki komið til umræðu í nefnd­inni, það er á morgun.“

Páll Jóhann Pálsson úr Fram­sókn­ar­flokknum segir að meiri­hluti nefnd­ar­innar hafi falið Vigdísi Hauks­dóttur að ljúka mál­inu enda stytt­ist í að kjör­tíma­bil­inu ljúki.

„Það er margt óhefð­bundið á þing­inu, en meiri­hlut­inn fól Vigdísi að halda áfram með verkið. Svo þurfti að leggja loka­hönd á þetta núna,“ segir Páll. „Langmest er þetta sam­an­tekt á gögnum sem verið er að safna saman á einn stað til að fólk átti sig á sam­heng­inu.“

Í frá­sögn Kjarnans af blaða­manna­fund­inum sem Vigdís Hauks­dóttir og Guð­laugur Þór héldu í gær kemur fram að „nefnd­ar­menn­irnir sem hafi staðið að gerð skýrsl­unnar hafi sjálfir unnið hana að hluta ásamt starfs­mönnum nefnd­ar­inn­ar. Auk þess hafi utan­að­kom­andi sér­fræð­ingar komið að gerð skýrsl­unnar en ekki var greint frá því hverjir þeir væru. Heild­ar­kostn­aður við gerð hennar er 90 þús­und krónur og greiddu Vig­dís og Guð­laugur Þór þann kostnað úr eigin vasa.“

Stundin sendi Vigdísi og Guðlaugi fyr­ir­spurn í gær þar sem eft­ir­far­andi spurn­inga er spurt:

1. Hvers vegna hefur skýrslan ykkar ekki birst á vef Alþingis? 
2. Af hverju greidd­uði kostn­að­inn sjálf? 
3. Er skýrslan unnin á vegum fjár­laga­nefndar?
4. Hvers vegna eru ekki nöfn meiri­hluta nefnd­ar­manna við hana? 
5. Sam­þykkti meiri­hluti nefnd­ar­innar skýrsl­una? 
6. Hvaða utan­að­kom­andi sér­fræð­ingar komu að gerð hennar?
7. Var skýrslan próf­arka­lesin í sam­ræmi við það sem tíðkast þegar þing­nefndir skila af sér skýrslum? 

Engin svör hafa borist frá Vigdísi og Guðlaugi.

Páll Jóhann Pálsson
Páll Jóhann Pálsson þing­maður Fram­sókn­ar­flokks­ins

Páll Jóhann Pálsson segir að verk­lagið hafi verið óform­legt. Alþingi hafi ekki greitt kostn­að­inn vegna þess að ekki hafi verið heim­ild til þess. Hins vegar hafi for­maður og vara­for­maður nefnd­ar­innar verið til­búin að leggja út fyrir kostn­að­inum sjálf. Hið óform­lega verk­lag skýrist meðal ann­ars af því að stjórn­skip­unar- og eft­ir­lits­nefnd sé þegar búin að skoða málið. „En þetta er tekið saman til að átta sig betur á þessu. Hjálpa fólki að ná utan um hvað í raun­inni gerð­ist og hvað má læra af þessu,“ segir Páll. 

Að sögn Oddnýjar Harð­ar­dóttur hafði Vigdís hvatt til þess að umrætt mál yrði tekið upp fyrir nokkru síðan. „Hún tal­aði um „einka­væð­ing­una hina síð­ari“. Við bentum á að stjórn­skip­unar- og eft­ir­lits­nefnd hefði þegar afgreitt málið með skýrslu, rann­sakað það og skoðað, og þess vegna fannst okkur óeðli­legt að fjár­laga­nefnd tæki það einnig upp. Síðan heyrum við ekk­ert meira af þessu, nema bara að Vigdís segir í fjöl­miðlum að von sé á bombum en okkur fannst það ekki koma okkur við. Svo birt­ist þetta skyndi­lega í nafni meiri­hluta fjár­laga­nefndar,“ segir Oddný í sam­tali við Stundina. 

Eiríkur Rögn­valds­son, pró­fessor í íslenskri mál­fræði við Háskóla Íslands, furðar sig á vinnu­brögðum þeirra lög­giltu skjala­þýð­enda sem sagðir eru hafa komið að skýrsl­unni. Hann skrifar á Facebook:

Margrét Tryggva­dóttir, fyrr­ver­andi þing­kona Hreyf­ing­ar­innar, furðar sig einnig á vinnu­brögðum þýð­enda en jafn­framt á umbroti skýrsl­unnar:

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Kosningar 2016

Mest lesið

4
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár