Margir kenn­arar Háskóla Íslands eru ósáttir við skól­ann vegna fyr­ir­lest­urs­ins „Saga bólu­setn­ingar“ sem hald­inn var á Háskóla­torgi í gær. Þrátt fyrir hlut­laust nafn var um að ræða fyr­ir­lestur á vegum „Heilsu­frelsis“ sem berst meðal ann­ars gegn bólu­setn­ingu barna. Fyr­ir­les­ar­inn, Suzanne Hump­hries, hefur vakið mikla athygli fyrir að tala gegn bólu­setn­ingu. Tilefni fyr­ir­lest­urs­ins var útgáfa á íslenskri þýð­ingu bókar Hump­hries, Saga bólu­setn­inga - sjúk­dómar, blekk­ingar og tál­sýnir.

Heitar umræður spruttu upp á innri vef starfs­manna, HI-starf, vegna máls­ins en fimm kenn­arar vöktu þar fyrst athygli á mál­inu. „Háskóli Íslands var svo örlátur að lána Suzanne Hump­hries nafnið sitt með því að leigja henni stofu til að flytja fyr­ir­lestur og aug­lýsa og selja bók­ina sína. Hefur Háskóli Íslands markað sér stefnu/vinnu­lag um útleigu á hús­næði háskól­ans til utan­að­kom­andi aðila? Okkur finnst að Háskóli Íslands eigi ekki að setja nafn sitt við skottu­lækn­ingar, bull og hræðslu­á­róður með þessum hætti,“ segir í pósti kennar­anna.