Okkur finnst þetta bara besti kost­ur­inn. Ég er búinn að reka þetta í 41 ár og er orð­inn 73 ára gam­all. Þetta er orðið ágætt og allt í lagi að breyta til, segir Einar Friðrik Sig­urðs­son, skip­stjóri og eig­andi útgerð­ar­fyr­ir­tæk­is­ins Auð­bjargar í Þor­láks­höfn, aðspurður um ætl­aða sölu fyr­ir­tæk­is­ins til útgerðar­ris­ans Skinn­eyjar-Þinga­ness frá Höfn í Horna­firði. 

Einar Friðrik seg­ist eiga Auð­björgu nán­ast einn og að um að sé að ræða fjöl­skyldu­fyr­ir­tæki.  Aðspurður hvort greint verði frá kaup­verð­inu segir Einar. „Nei, enda liggur það ekki fyrir því það er ekki búið að ganga frá þessum hlutum. Menn eru bara að skoða þetta,“ segir Einar Friðrik.

Hefur stækkað um rúman helming

Skinney hefur bætt við sig umtals­verðum kvóta á liðnum árum með upp­kaupum á eignum ann­arra sjávar­­útvegs­fyr­ir­tækja, meðal ann­ars þús­und tonna þorsk­kvóta frá Brimi fyrir um tvo millj­arða króna árið 2012. Þá hefur útgerðar­fyr­ir­tækið haslað sér völl í land­bún­aði í gegnum dótt­ur­fé­lag sitt Selbakka ehf. en það fyr­ir­tæki keypti eitt stærsta kúa­­bú lands­ins, Flatey í Austur-Skafta­fells­sýslu, árið 2013. Fyr­ir­tækið byggir nú stærsta fjós lands­ins á jörð­inni og er það 106 metra langt og rúmar 300 kýr.

Skinney-Þinganes var sjö­unda stærsta útgerð lands­ins í febr­úar síð­ast­lið­inn með 4,3 pró­sent kvót­ans eða sem nemur nærri 20 þús­und þorskígildistonnum. Í til­kynn­ingu frá Skinney og Auð­björgu þar sem greint var frá hinum ætl­uðu við­skiptum kom fram að til stæði að útgerðin gerði áfram út frá Þor­láks­höfn. Skinney-Þinganes er að stóru leyti í eigu fjöl­skyldu Halldórs