Logi Már Ein­ars­son, for­maður Sam­fylk­ing­ar­innar, og Oddný G. Harð­ar­dóttir, fyrr­ver­andi for­maður flokks­ins, gagn­rýna harð­lega að skýrsla starfs­hóps um eignir Íslend­inga á aflands­svæðum hafi ekki verið birt almenn­ingi og Alþingi fyrr en eftir þing­kosn­ingar.

Mynd: Pressphotos

Eins og Stundin fjall­aði um í fyrra­dag hefur skýrslan legið fyrir í fjár­mála- og efna­hags­ráðu­neyt­inu frá því í byrjun októ­ber, um mán­uði áður en gengið var til þing­kosn­inga, en hún var ekki birt fyrr en í dag eftir að fjöl­miðlar og þing­menn höfðu óskað eftir aðgangi að henni á grund­velli upp­lýs­inga­laga. 

Samkvæmt nið­ur­stöðum starfs­hóps­ins má áætla að í lok árs­ins 2015 hafi upp­safnað umfang eigna og umsvifa Íslend­inga á aflands­svæðum frá árinu 1990 legið á bil­inu 350-810 millj­örðum króna. Þá telur starfs­hóp­ur­inn að mögu­legt tekju­tap hins opin­bera vegna van­tal­inna eigna geti numið allt frá 2,8-6,5 millj­örðum árlega miðað við gild­andi tekju­skattslög.

„Það er skandall ef rétt er að setið hafi verið á henni fyrir kosn­ingar og á meðan að á stjórn­ar­mynd­un­ar­við­ræðum stendur,“ skrifar Oddný Harð­ar­dóttir um skýrsl­una í Facebook-færslu. Logi tekur í sama streng: „Nú verður fjár­mála­ráð­herra að svara því strax af hverju skýrsla um eignir Íslend­inga á aflands­svæðum var ekki birt fyrir kosn­ingar! Gleymum því ekki að þær voru ástæðan fyrir því að þing var rofið og boðað til kosn­inga.“

Fleiri hafa látið sams konar sjón­ar­mið í ljós:

Eins og Panama-skjölin vörp­uðu ljósi á átti fjár­mála­ráð­herra sjálfur hlut í aflands­fé­lagi og jafn­framt Benedikt Sveins­son, faðir hans. Báðir eru frændur og fyrr­ver­andi við­skipta­fé­lagar Bene­dikts Jóhann­es­sonar, for­manns Við­reisnar sem útlit er fyrir að verði næsti fjár­mála­ráð­herra. 

Í skýrslu starfs­hóps­ins er líkum leitt að því að upp­safnað fjár­magn á aflands­svæðum vegna ólög­mætrar milli­verð­lagn­ingar í vöru­við­skiptum yfir tíma­bilið 1990-2015 geti verið á bil­inu 140-160 millj­arðar króna. Einnig var stuðst við upp­lýs­ingar um eignir í stýr­ingu erlendis sem hafa verið not­aðar til þess að áætla umfang aflandseigna, en starfs­hóp­ur­inn telur umfang þeirra geta verið á bil­inu 110-350 ma.kr. Þá eru óskráðar fjár­magnstil­færslur milli landa taldar geta numið á bil­inu 100-300 ma.kr.

Stundin mun fjalla nánar um efni skýrsl­unnar um helg­ina.