Sendur út í opinn dauðann að mati Samtakanna ´78

„Samtökin ´78 syrgja í dag. Góðum vini okkar og sjálf­boða­liða hefur verið gert að yfir­gefa landið og snúa í óvið­un­andi aðstæður á Ítalíu,“ segir í yfir­lýs­ingu sem sam­tökin sendu frá sér í dag. Þar er sagt frá Amír, fag­lærðum sam­kyn­hneigðum hár­greiðslu­manni frá Íran, sem sótti um hæli hér á landi sum­arið 2015.

Amír, sem hefur starfað í sjál­boða­vinnu hér á landi sem hár­greiðslu­maður, á fjölda vina hér á landi og þrátt fyrir að í Íran bíði hans mögu­lega ákæra og dauða­dómur vegna sam­kyn­hneigðar þá hefur honum verið vísað úr landi á grund­velli heim­ildar í Dyfl­inn­ar­reglu­gerð­inni.

Vann sjálf­boða­vinnu Vinir Amírs hjá Sam­tök­unum ´78 segja hann hafa unnið í sjálf­boða­vinnu hér á landi við að klippa og snyrta hár fólks og að hann sé fag­lærður sem slíkur.

Mynd: Úr einka­safni

Lítill skilningur á aðstæðum hinsegin flóttamanna

„Ekki þarf að fjöl­yrða um aðstæður sam­kyn­hneigðra í Íran en þar er líf okkar sam­fé­lags­hóps í stöðugri hættu. Amír fer þaðan til Ítalíu þar sem hann verður fyrir alvar­legu ofbeldi, sefur á göt­unni, sætir ofsóknum vegna kyn­hneigðar sinnar, er full­kom­lega pen­inga­laus og að auki mat­ar­laus dögum saman. Nú hafa íslensk yfir­völd ákveðið að senda hann á ný til Ítalíu þó hann hafi þar ekki gilt dval­ar­leyfi. Alls óvíst er hvaða veru­leiki bíður hans þar eða hvort hann muni hljóta vernd þar í landi. Ekkert bendir til þess að aðrar aðstæður bíði hans en síð­ast þegar hann var á Ítalíu. Í grein­ar­gerð lög­fræð­ings Amírs kemur fram að ljóst sé að Ítalía geti ekki tryggt mann­sæm­andi aðstæður fyrir hann. Bæði sé aðstaða flótta­fólks óvið­un­andi en að auki séu for­dómar og ofbeldi í garð hinsegin fólks og fólks af erlendum upp­runa land­lægt,“ segir í yfir­lýs­ingu sam­tak­anna sem Stund­inni barst í dag.

Þá segja Samtökin ´78 að það sé þyngra en tárum taki að „skiln­ingur á aðstæðum hinsegin flótta­fólks sé ekki meiri en raun ber vitni hjá yfir­völdum hér­lendis.“

Engin þjálfun fyrir hendi

Einnig kemur fram í yfir­lýs­ing­unni að sam­kvæmt verk­lags­reglum Sam­ein­uðu þjóð­anna um mál­efni hinsegin flótta­fólks, sem Ísland hefur skuld­bundið sig til að fara eftir, ber að fræða starfs­fólk Útlend­inga­stofn­unar sér­stak­lega um hinsegin mál­efni. Á fundi for­svars­manna sam­tak­anna með Útlend­inga­stofnun fyrr á árinu hafi hins­vegar komið í ljós að engin slík þjálfun væri fyrir hendi.

„Nú er ljóst að Amír og aðrir hinsegin hæls­leit­endur gjalda fyrir það. Örlög Amírs eftir brott­vísun hans héðan eru á ábyrgð íslenskra ráða­manna. Við for­dæmum þessi for­kast­an­legu vinnu­brögð. Þeim verður að linna strax.“

Yfir­lýs­ingin í heild sinni:

Samtökin ‘78 syrgja í dag. Góðum vini okkar og sjálf­boða­liða hefur verið gert að yfir­gefa landið og snúa í óvið­un­andi aðstæður á Ítalíu. 

Amír sótti um hæli á Íslandi sum­arið 2015 en hann er sam­kyn­hneigður maður frá Íran. Ekki þarf að fjöl­yrða um aðstæður sam­kyn­hneigðra í Íran en þar er líf okkar sam­fé­lags­hóps í stöðugri hættu. Amír fer þaðan til Ítalíu þar sem hann verður fyrir alvar­legu ofbeldi, sefur á göt­unni, sætir ofsóknum vegna kyn­hneigðar sinnar, er full­kom­lega pen­inga­laus og að auki mat­ar­laus dögum saman. 

Nú hafa íslensk yfir­völd ákveðið að senda hann á ný til Ítalíu þó hann hafi þar ekki gilt dval­ar­leyfi. Alls óvíst er hvaða veru­leiki bíður hans þar eða hvort hann muni hljóta vernd þar í landi. Ekkert bendir til þess að aðrar aðstæður bíði hans en síð­ast þegar hann var á Ítalíu. Í grein­ar­gerð lög­fræð­ings Amírs kemur fram að ljóst sé að Ítalía geti ekki tryggt mann­sæm­andi aðstæður fyrir hann. Bæði sé aðstaða flótta­fólks óvið­un­andi en að auki séu for­dómar og ofbeldi í garð hinsegin fólks og fólks af erlendum upp­runa land­lægt. Þar að auki búi Amír við slæma and­lega heilsu og muni ekki hljóta þá þjón­ustu sem hann þarfn­ast þess vegna á Ítalíu. 

Stjórn­völd á Ítalíu geta auk­in­heldur ekki tryggt að hann hljóti dval­ar­leyfi þar. Amír gæti því beðið brott­vísun til Írans þaðan, en í heima­landi hans liggur dauða­refs­ing við sam­kyn­hneigð.

Inn­an­rík­is­ráðu­neytið hefur úrskurðað að ein­stak­lingar í við­kvæmri stöðu skulu ekki sendir til Ítalíu. Ljóst má vera að Amír er í við­kvæmri stöðu en hann er bæði sam­kyn­hneigður og býr við slæma and­lega heilsu sem meðal ann­ars er afleið­ing af ofbeldi sem hann hefur orðið fyrir. Það er mat Útlend­inga­stofn­unar að þrátt fyrir þetta telj­ist hann ekki vera í við­kvæmri stöðu. 

Samtökin ‘78 mót­mæla þessu mati harð­lega. Það er þyngra en tárum taki að skiln­ingur á aðstæðum hinsegin flótta­fólks sé ekki meiri en raun ber vitni hjá yfir­völdum hér­lendis. Samkvæmt verk­lags­reglum Sam­ein­uðu þjóð­anna um mál­efni hinsegin flótta­fólks, sem Ísland hefur skuld­bundið sig til að fara eftir, ber að fræða starfs­fólk Útlend­inga­stofn­unar sér­stak­lega um hinsegin mál­efni. Á fundi okkar með stofn­un­inni fyrr á árinu kom fram að engin slík þjálfun er fyrir hendi. Nú er ljóst að Amír og aðrir hinsegin hæls­leit­endur gjalda fyrir það. Örlög Amírs eftir brott­vísun hans héðan eru á ábyrgð íslenskra ráða­manna. 

Við for­dæmum þessi for­kast­an­legu vinnu­brögð. Þeim verður að linna strax.