Undanfarin ár hefur áhugi á salsa aukist í Reykjavík og vikuleg salsakvöld Salsa Iceland verða stöðugt vinsælli. Edda segir dansinn ekki síst góða leið til að nálgast fólk og á sama tíma njóta augnabliksins.

„Ég stundaði karate lengi og kynntist dansinum þegar ég var að keppa erlendis. Ég hélt svo áfram að dansa þegar ég bjó erlendis og á ferðalögum mínum. Það sem er svo frábært við salsa er að hvar sem þú ert í heiminum geturðu alltaf fundið salsa. Þegar ég kom svo aftur til Íslands voru engin salsakvöld í Reykjavík svo ég ákvað bara að búa það til,“ segir Edda, sem í kjölfarið stofnaði Salsa Iceland árið 2003. „Ég gerði þetta í sjálfselskum tilgangi, mig langaði bara að dansa. Ég hafði mikið dansað sjálf en byrjaði á því að flytja inn salsakennara. Þegar ég var svo búin að læra nóg fór ég að kenna. Frá því að ég …