Lilja Rafney Magn­ús­dóttir, þing­maður Vinstri græna, segir að þing­maður stjórn­ar­innar hafi verið undir áhrifum áfengis á þing­fundi í gær, en hún neitar að upp­lýsa hvern hún hafði átt við. Lilja Rafney kvart­aði undan ölvun­inni í gær.

„Og það er bara skömm að því að, menn ættu að hlusta sem ættu að hlusta í þessum sal - já - það er ekki hægt að láta bjóða sér það að menn séu flissandi hér útí í sal undir áhrifum,“ sagði hún.

Lilja er föst á því að alþing­is­menn eigi ekki að vera undir áhrifum áfengis meðan Alþing­is­fundur stendur yfir. „Ég sagði þetta þar sem ég upp­lifði það þannig og ég fer ekk­ert ofan af því, en ég ætla ekki að nafn­greina við­kom­andi. Hann tók það til sín, sá sem ég átti við, þó að ég hafi ekki nefnt neitt nafn í ræðu­stól. Mér finnst þetta bara ekki í lagi, að menn séu rakir eða undir áhrifum, þó þeir séu ekki alvar­lega drukknir. Mér finnst það ekki eiga heima á Alþingi,“ segir Lilja Rafney.

Lilja Rafney vill ekki upp­lýsa um hvaða þing­mann hún átti við. „Ég held ég geri það ekki hans vegna. Það eru örugg­lega ein­hverjir sem hafa grun um hvern er átt. Þetta er ekki af neinni mann­vonsku sem ég sagði þetta. Þetta bara pirraði mig að við­kom­andi var með fliss og læti og kjafta­gang fram í mína ræðu. Ég hefði kannski ekki sagt þetta nema í hita leiks­ins, þetta voru þungar atkvæða­greiðslur,“ segir Lilja Rafney.

Vísir greindi frá því í morgun að Þor­steinn Sæmunds­son, þing­maður Fram­sókn­ar­flokks­ins, krefst þess að Lilja Rafney upp­lýsi um hvern hún var að tala. „Því allt þetta bull sem hér fer fram, gott og slæmt, fer í fund­ar­gerðir Alþingis og ég kæri mig ekki um að barna­börnin mín komi hingað ein­hvern tím­ann, lesi fund­ar­gerð­irnar og hugsi: „Afi gamli var fullur í þessum sal.“,“ er haft eftir Þor­steini.