Kastljós hefur sent frá sér yfir­lýs­ingu þar sem fram kemur að frétta­skýr­inga­þátt­ur­inn hafi ekki farið með rangt mál um fjár­fest­ing­ar­samn­ing rík­is­ins við fyr­ir­tækið Matorku ehf. í þætti gær­kvölds­ins líkt og Ragn­heiður Elín Árna­dóttir, iðn­aðar- og við­skipta­ráð­herra, lýsti yfir í dag. Í til­kynn­ingu sem birt var á vef Atvinnu­vega- og nýsköp­un­ar­ráðu­neyt­is­ins í dag undir heit­inu „Íviln­anir til nýfjár­fest­inga eru almennar og gera ekki upp á milli fyr­ir­tækja eða atvinnu­greina“ er Kastljós sakað um rangan frétta­flutn­ing í nokkrum efn­is­at­riðum. Kastljós hefur nú hafnað þeim ásök­unum. 

Ráðherra gat ekki svarað spurningum Kastljóss

Í fyrsta lagi segir í til­kynn­ingu ráð­herra að ekki sé efn­is­legur munur á fjár­fest­ing­ar­samn­ingi við Matorku og öðrum nýlegum fjár­fest­ing­ar­samn­ingum. „Í Kast­ljósi var þannig rangt með farið að í fjár­fest­ing­ar­samn­ingi frá 2014 við Thorsil, vegna kís­il­vers í Helguvík, væri gert ráð fyrir 18% tekju­skatts­hlut­falli og að þar væri ekki gert ráð fyrir þjálf­un­ar­styrkjum. Hið rétta er að fjár­fest­ing­ar­samn­ing­ur­inn við …