„No, no, no, no, no, that is not going to be the case,“ sagði Ólafur Ragnar Grímsson, for­seti Íslands, þegar frétta­kon­an Christ­i­ane Amanpo­ur á CNN spurði hann hvort eitt­hvað ætti eftir að koma í ljós um hann eða fjöl­skyldu hans í umræð­unni um skatta­skjól. 

Í dag greina hins vegar Kjarninn og Reykja­vik Grapevine frá því að fjöl­skyldu­auður Dor­rit­ar Moussai­eff, eig­in­konu Ólafs, hafi verið geymdur á Bresku Jóm­frú­areyj­unum. 

Félag­ið sem um ræðir heitir Lasca Fin­ance Limited og er eitt þeirra sem koma fyrir í gögnum­ panamísku lög­manns­stof­unnar Mossack Fon­seca. Það var skráð á Bresku Jóm­frú­areyj­unum árið 1999 en árið 2005 seld­i ­fjöl­skyldu­fyr­ir­tækið Moussai­eff Jewell­ers Ltd. 10 pró­senta hlut sinn í Lasca F­in­ance til hinna tveggja eig­enda þess, þeirra S. Moussai­eff og Mr­s. Moussai­eff.

„Átt þú ein­hverja aflands­reikn­inga? Á eig­in­kona þín ein­hverja aflands­reikn­inga? Á eitt­hvað eftir að koma í ljós er teng­ist þér og fjöl­skyld­u þinni?” spurði frétta­konan í við­tal­inu við Ólaf sem harð­neit­aði. For­seta­emb­ættið hefur gefið þau svör að hvorki Ólafur Ragnar né Dorrit hafi vitað af aflands­fé­lag­inu. Eins og frægt er orðið flutti Dorrit Moussaieff lög­heim­ili sitt til Bret­lands árið 2012.