Útlit er fyrir að ný Twitter-bylting sé í uppsiglingu, en markmið hennar er að vekja athygli á kynjamisrétti. Nú notast tístarar við „hashtagið“ #6dagsleikinn og láta fylgja sögu af hversdaglegu kynjamisrétti sem þeir hafa orðið fyrir. Byltingin varð til á málþingi fyrir kynjafræðinema í framhaldsskólum sem haldið var í MK í gær. 

María Lilja Þrastardóttir

„Ég var svo heppin að fá að vera málstofu á málþinginu þar sem ég talaði meðal annars um upphaf Druslugöngunnar. Í kjölfarið fórum við að tala um róttækni og töluðum um #freethenipple og hversu mikilvægt það væri að láta verkin tala. Þannig við tókum ákvörðun um að gera eitthvað á þessari málstofu og þetta varð ofan á,“ segir María Lilja í samtali við Stundina. Eftir töluverðar vangaveltur og frjóa umræðu var ákveðið að búa til „hashtag“ og þá var haldin lýðræðisleg kosning um nafnið á myllumerkinu. „Í kjölfarið ræddum við hvað væri hversdagslegt kynjamisrétti, sem getur bæði snúið að konum og körlum. Svo tókum við okkur saman og „tweet-uðum“ í lok námskeiðsins og settum af stað þessa byltingu.“ 

María Lilja segist vona að framtakið vekji upp umræðu um hversdagslegt kynjamisrétti en það sé umræða sem þurfi að vera uppi á yfirborðinu. Viðbrögðin létu ekki á sér standa og þegar þetta er skrifað hafa fjölmargir lýsa hversdagslegu kynjamisrétti sem þeir hafa orðið fyrir. Meðal þeirra sem hafa tekið þátt eru Salka Sól Eyfeld, Bragi Valdimar Skúlason og Áslaug Arna Sigurbjörnsdóttir. 

Sjá hér: #6dagsleikinn Tweets

María Hjálmtýsdóttir

María Hjálmtýsdóttir, kynjafræðikennari í MK, stóð fyrir málþinginu. „Tilgangurinn var að leyfa krökkum í kynjafræði að hittast og ræða saman,“ segir María í samtali við Stundina. Hún segir að um 250 manns hafi sótt málþingið en haldnar voru alls 16 málstofur. „Þetta er allt unnið í sjálfboðavinnu. Við höfðum samband við Menntamálaráðuneytið um styrk, en fengum engin svör. Allir fyrirlesararnir eru því í sjálfboðavinnu.“

Hún segir gjörninginn á málstofu Maríu Lilju hafa undirstrikað tilgang málþingsins. „Þetta var akkúrat það sem við vildum sjá, að umræðan myndi ná út fyrir þennan hitting.“ 

Sjá einnig: Brjóstafárið: Valdefling eða undirgefni við feðraveldið?

12 tíst sem sýna vandamálið í hnotskurn: