Þessi grein birtist upphaflega í Stundinni fyrir meira en 7 árum.

Fréttir Alþingiskosningar 2016

Sjálfstæðisflokkurinn verður í ríkisstjórn nema Píratar svíki loforð sitt

Katrín Jakobsdóttir þarf að velja Framsóknarflokkinn eða Sjálfstæðisflokkinn til að halda áfram stjórnarmyndun, en báðir kostir eru útilokaðir miðað við afstöðu flokkanna hver gagnvart öðrum. Viðreisn og VG náðu ekki saman um skattamál.

23. nóvember 2016 · 17:56

Jón Trausti Reynisson

jontrausti@heimildin.is

Eftir að stjórnarmyndunarviðræðum fimm flokkanna var slitið rétt í þessu er ljóst að einhver flokkanna þarf að breyta um afstöðu til annarra flokka til þess að ný ríkisstjórn geti orðið að veruleika.

Engin ríkisstjórn verður mynduð án Sjálfstæðisflokksins nema Píratar endurskoði ákvörðun sem þeir kynntu fyrir kosningar um að starfa ekki með Framsóknarflokknum.

Vinstri grænir hafa útilokað samstarf með Sjálfstæðisflokknum, Píratar hafa útilokað Sjálfstæðis- og Framsóknarflokk og Viðreisn útilokað Sjálfstæðisflokk með Framsóknarflokki.

Katrín Jakobsdóttir, formaður Vinstri grænna, hefur ekki skilað stjórnarmyndunarumboðinu, en hún þarf nú að velja á milli Framsóknarflokksins og Sjálfstæðisflokksins, ef hún ætlar að mynda ríkisstjórn.

Viðræður Vinstri grænna, Viðreisnar, Pírata, Bjartrar framtíðar og Samfylkingarinnar slitnuðu eftir að Viðreisn og VG náðu ekki saman um skattamál. Vinstri grænir vilja hækka skatta, en Viðreisn vill lækka skatta og/eða einfalda skattkerfið. Samkvæmt heimildum Stundarinnar gengu stór mál vel í viðræðunum, en Viðreisn gaf ekki eftir í skattamálum og vildi hvorki hækka skatta né koma á nýjum sköttum. Vinstri grænir vildu hins vegar hátekjuskatt og stóreignaskatt.

Benedikt Jóhannesson, formaður Viðreisnar, hafði gefið til kynna daginn eftir kosningar að hann vildi ekki „Píratabandalag“ eða fimm flokka stjórn með Pírötum, VG, Bjartri framtíð og Samfylkingunni.

Ef Katrín hyggst halda áfram stjórnarmyndun þarf hún annað hvort að taka Framsóknarflokkinn inn í staðinn fyrir Viðreisn, eða semja við Sjálfstæðisflokkinn og þriðja flokk. Vinstri grænir hafa hins vegar útilokað samstarf með Sjálstæðisflokknum og Píratar hafa útilokað samstarf með Framsóknarflokkinn, þannig að báðir möguleikar eru lokaðir án endurskoðunar afstöðu flokkanna til hvers annars.

Sjálfstæðismenn hafa lýst yfir áhuga á að vinna með Vinstri grænum en óljóst er hver þriðji flokkurinn væri, þar sem Viðreisn og VG náðu ekki saman, Píratar og Sjálfstæðisflokkur vilja ekki vinna saman, og þar sem ólíklegt er að Vinstri grænir komi inn til að viðhalda Framsóknar- og Sjálfstæðisflokki. Hins vegar gætu Sjálfstæðisflokkur og Vinstri grænir myndað ríkisstjórn með Bjartri framtíð með 35 þingmenn.

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Alþingiskosningar 2016

Greining

Saga sáttarstjórnar Katrínar Jakobsdóttur

Ríkisstjórn Katrínar Jakobsdóttur er eina þriggja flokka ríkisstjórnin til þess að lifa af heilt kjörtímabil. Ríkisstjórn þessi varð til í stormi stjórnmála og hún boðaði stöðugleika en spurningin er hvort hennar verður minnst sem stjórn stöðugleika eða sem stjórn málamiðlunar.

Fréttir

„Drullusama“ þótt stjórnmálamenn séu ranglega titlaðir skipulagsfræðingar eða stærðfræðingar

Helgi Hrafn setur gagnrýni á kollega sína í samhengi við umræðu um hvernig Sigmundur Davíð var titlaður doktor í skipulagsfræðum án þess að hann hefði lokið prófi.

PistillAlþingiskosningar 2016

Hallgrímur Helgason

Tröllin bakvið tjöldin

Hallgrímur Helgason um stjórnarslitin, leikrit íslenskra stjórnmála, gömlu tröllin og hagsmunina sem ráða öllu.

Fréttir

Fjölmiðlaeigendur styrktu Viðreisn um samtals tvær milljónir

Hluthafar í Hringbraut, Fréttatímanum sáluga og Kjarnanum styrktu Viðreisn á stofnári flokksins.

Fréttir

Benedikt fundaði með styrkveitendum Viðreisnar í miðjum stjórnarmyndunarviðræðum

Formaður Viðreisnar hitti forstjóra Brims og HB Granda og fundaði með þeim um sjávarútvegsmál daginn áður en hann átti frumkvæði að því að stjórnarmyndunarviðræðum við Vinstri græn, Pírata og Samfylkingu var slitið. Útgerðarfélögin veittu Viðreisn veglega styrki.

FréttirAlþingiskosningar 2016

Þingmaður Bjartrar framtíðar komin með 2,3 milljónir í laun sem kjörinn fulltrúi

Theodóra S. Þorsteinsdóttir, þingflokksformaður Bjartrar framtíðar, fær greitt fyrir tvö full störf sem kjörinn fulltrúi. Hún ætlar að draga úr, en halda áfram sem bæjarfulltrúi samhliða starfi þingmanns.

Mest lesið

Á vettvangi#1

Kvöldvakt á bráðamóttökunni

Í fjóra mánuði hefur Jóhannes Kr. Kristjánsson verið á vettvangi bráðamóttöku Landspítalans í Fossvogi. Í þáttaröðinni Á vettvangi sem unnin er fyrir Heimildina veitir hann einstaka innsýn inn í starfsemi bráðamóttökunnar, þar sem líf og heilsa einstaklinga er undir.

Viðtal

Mataræði er vanræktur þáttur í svefnvanda

Góður svefn er seint ofmetinn en vandamál tengd svefni eru algeng á Vesturlöndum. Talið er að um 30 prósent Íslendinga sofi of lítið og fái ekki endurnærandi svefn. Ónógur svefn hefur áhrif á daglegt líf fólks og lífsgæði. Svefn er flókið fyrirbæri og margt sem getur haft áhrif á gæði hans, má þar nefna líkamlega og andlega sjúkdóma, breytingaskeið, álag, kvíða, skort á hreyfingu og áhrif samfélagsmiðla á svefngæði. Áhrif næringar og neyslu ákveðinna fæðutegunda á svefn hafa hins vegar ekki vakið athygli þar til nýlega.

Fréttir

Hársbreidd frá tveggja flokka meirihluta

Samfylkingu og Viðreisn vantar eitt þingsæti til viðbótar til að ná að mynda meirihluta í þinginu, miðað við nýja skoðanakönnun Maskínu. Flokkarnir bæta báðir við sig á milli kannana og mælast með yfir 20 prósenta fylgi. Sósíalistar mælast stærri en Sjálfstæðisflokkur í einu kjördæmi.

Fréttir

Sigurður Ingi lýsir erfiðu samstarfi við Sjálfstæðisflokkinn

Sigurður Ingi Jóhannsson segir að Sjálfstæðisflokkurinn sé stjórnlaus, þar hafi menn gert það sem þeim datt í hug og komist upp með það. „Þannig var það,“ segir Svandís Svavarsdóttir.

Á vettvangi

„Við mætum í vinnuna til þess að sigra“

Kona sem situr á biðstofu með fleira fólki er að greinast með heilaæxli og það þarf að tilkynna henni það. En það er enginn staður sem hægt er að fara með hana á, til að ræða við hana í næði. Í annan stað er rætt við aðstandendur frammi, fyrir framan sjálfsalann en þá fer neyðarbjallan af stað og hamagangurinn er mikill þegar starfsfólkið hleypur af stað. Í fjóra mánuði hefur blaðamaður verið á vettvangi bráðamóttökunnar á Landspítalanum og fylgst með starfinu þar.

Vettvangur

„Viljum ekki að Harpa verði umferðarmiðstöð“

Það hefur verið umdeild ákvörðun hjá húsinu að láta gesti borga fyrir heimsókn á salernin í Hörpu. En fólk heimsækir húsið af ýmsum ástæðum. Greinarhöfundur spáir í lífið í húsinu og ræðir jafnframt við Hildi Ottesen Hauksdóttur, markaðs- og kynningarstjóra Hörpu.

Mest lesið

Mest lesið í vikunni

Viðtal

„Hann sagðist ekki geta meir“

„Ég gat ekki bjargað barnabarninu mínu. En ef það verður til þess að ég geti kannski bjargað einhverjum, þó ekki nema einu barni, þá vil ég segja sögu okkar,“ segir Þórhildur Helga Þorleifsdóttir kennsluráðgjafi. Sonarsonur hennar, Patrekur Jóhann Kjartansson Eberl, fannst látinn miðvikudaginn 12. maí 2021, aðeins fimmtán ára gamall. Hann hafði svipt sig lífi.

Fréttir

Þórdís Kolbrún afskrifaði Gunnar Smára á opnum fundi

Gunnar Smári Egilsson, frambjóðandi Sósíalista, segir mestu ógn Íslendinga vera að styðja Úkraínumenn gegn innrás Rússa og fullyrðir að „vel mætti enda stríðið“. Þórdís Kolbrún Reykfjörð Gylfadóttir brást illa við hugmyndum hans.

ViðtalFormannaviðtöl

Síðasta tilraun Ingu Sæland

Flokkur fólksins var stofnaður til að útrýma fátækt á Íslandi, sem Inga Sæland, formaður flokksins, þekkir af eigin raun. Hún boðar nýtt húsnæðiskerfi með fyrirsjáanleika og niðurskurð í öllu því sem heita aðgerðir gegn loftslagsbreytingum. Grænasta land í heimi eigi að nota peningana í heilbrigðiskerfi og aðra innviði sem standi á brauðfótum.

Myndband

Almar les upp úr nýrri bók

Almar Steinn Atlason varð þjóðþekktur árið 2015 sem Almar í kassanum eftir að hann dvaldi nakinn í heila viku inni í glerkassa í Listaháskólanum. Hann var að senda frá sér skáldsöguna Mold er mold - Litla systir mín fjöldamorðinginn. Hann les upp úr bókinni í beinu streymi sem hefst um klukkan 18 í dag.

Fréttir

Snörp orðaskipti í réttarsal: „Þú hefur ekki orðið!“

Annar dagur aðalmeðferðar í manndrápsmáli gegn hjúkrunarfræðingi fór fram í Héraðsdómi Reykjavíkur í dag. Þar áttu sér stað snörp orðaskipti á milli dómara og lögmanns þegar nýjar upplýsingar komu upp. Málið hefur verið lagt í dóm í annað skiptið í héraði.

Fréttir

Svanhildur Hólm með áberandi minnsta reynslu af utanríkismálum

Ljóst er að Svanhildur Hólm, sendiherra í Bandaríkjunum, sker sig úr hópi kollega sinna frá Norðurlöndunum hvað varðar takmarkaða reynslu á vettvangi utanríkismála. Stjórnskipunar- og eftirlitsnefnd bíður enn svara frá utanríkisráðuneytinu um vinnubrögð ráðherra við skipun á sendiherrum í Bandaríkjunum og Ítalíu.

Mest lesið í mánuðinum

Afhjúpun

Leyniupptaka lýsir vinargreiða og hrossakaupum Bjarna og Jóns

Sonur og viðskiptafélagi Jóns Gunnarssonar þingmanns fullyrðir í upptökum sem teknar voru af manni sem sagðist vera fjárfestir að Jón hafi samþykkt beiðni Bjarna Benediktssonar um að þiggja sæti á lista gegn því að Jón komist í aðstöðu til veita veiðileyfi til Hvals hf. Það verði arfleifð Jóns að tryggja Kristjáni Loftssyni nánum vini sínum leyfið. Það sé hins vegar eitthvað sem eigi að fara leynt.

Viðtal

Missti son sinn í eldsvoða á Stuðlum

Jón K. Jacobsen, faðir 17 ára drengs sem lést í eldsvoða á Stuðlum síðastliðinn laugardag, segist hafa barist árum saman við kerfið til að halda syni sínum á lífi. „Núna berst ég við kerfið til að halda minningu hans á lofti.“

Viðtal

„Hann sagðist ekki geta meir“

Viðtal

Grunaði að það ætti að reka hana

Vigdís Häsler var rekin úr starfi framkvæmdastjóra Bændasamtakanna eftir að nýr formaður tók þar við fyrr á árinu. Hún segir kosningavél Framsóknarflokksins hafa verið gangsetta til að koma honum að. Vigdís ræðir brottreksturinn og rasísk ummæli sem formaður Framsóknarflokksins hafði um hana. Orðin hafi átt að smætta og brjóta hana niður. Hún segist aldrei munu líta Sigurð Inga Jóhannsson sömu augum eftir það.

ViðtalMetoo

Ósmekklegt bréf frá eiganda sem áreitti hana

Sigríður Lárusdóttir er ein fjölmargra kvenna sem hefur orðið fyrir kynferðislegri áreitni á vinnustað. Eftir að hún kvartaði undan framkomu yfirmanns í garð starfsfólks var henni sagt upp og segir hún að sá sem hafði áreitt hana hafi skrifað henni ósmekklegt bréf með rökstuðningi fyrir uppsögninni.

Fréttir

Þórdís Kolbrún afskrifaði Gunnar Smára á opnum fundi