Í dag fékkst endanleg niðurstaða í mál Eyjólfs Kristins, fimm ára gamals íslensks drengs, sem Stundin hefur fjallað um frá því í júlí á þessu ári. Norsk yfirvöld hafa fallist á þá ósk íslenskra yfirvalda og fjölskyldu drengsins að hann fái að alast upp á Íslandi. Þetta staðfestir Oddgeir Einarsson, lögfræðingur fjölskyldunnar. Íslensk barnaverndaryfirvöld fara með forsjá drengsins frá og með deginum í dag.
Móðir drengsins, Elva Christina, hefur sóst eftir því að fá annað tækifæri til þess að ala son sinn upp en líkt og Stundin greindi frá þá fór Elva út af sporinu í lífinu, flæktist í viðjar fíkniefna sem leiddi til þess að hún var svipt forsjánni í Noregi. Þangað hafði hún flutt ásamt móður sinni, Helenu Brynjólfsdóttur, sem á endanum flúði með drenginn til Íslands í lok júní á þessu ári. Þá hafði fjölskyldan búið í Noregi í um þrjú ár.
Ekki liggur hvernig málið verður endanlega leitt til lykta en samkvæmt heimildum Stundarinnar er stórfjölskylda Eyjólfs Kristins, í bæði föður- og móðurætt himinlifandi, með fréttirnar.
„Fyrir hönd umbjóðanda míns er þakkað fyrir þann hlýhug og stuðning sem henni og fjölskyldu hennar hefur verið sýndur á síðastliðnum mánuðum,“ segir í fréttatilkynningu sem Oddgeir sendi frá sér rétt í þessu.
Dagur í lífi Eyjólfs
Blaðamaður eyddi degi með Eyjólfi sem vaknaði með bros á vör og fór að sofa með bros á vör.
Barnavernd í Noregi
Kveður son sinn sem fór á vistheimili í dag: „Ég hélt að við myndum fá að vera með honum yfir hátíðarnar“
Helena reynir að bjarga húsinu: Eyjólfur fær að alast upp á Íslandi
Meira en tífalt líklegra að barn sé tekið af íslensku foreldri í Noregi en á Íslandi
Fjölskyldu Eyjólfs sagt að ræða ekki við fjölmiðla ef þau vilja farsæla lausn
Norska barnaverndin setur skilyrði: Eyjólfur fær nýja fjölskyldu fyrir jól
Athugasemdir