Jónína Ben gagn­rýnir lækna harð­lega í mynd­bandi sem hún birti á Facebook-síðu sinni í gær. Hún segir að læknar séu að ráð­ast gegn starfs­stéttum, en þar á hún við svo­kall­aða heil­ara. Jónína hefur í seinni tíð verið einnar þekkt­ust fyrir detox-með­ferð sem hún stendur fyrir í Póllandi.

Meðal þeirra sem hafa sagt ristil­skol­un­ar­með­ferðir bæði óhjálp­legar og skað­legar eru Svanur Sig­ur­björns­son læknir. Jónína hefur hins vegar haldið fram holl­ustu ristil­skol­ana gegn ýmsum veik­indum.

Læknar þekkja ekki

„Ég ákvað að tala nokkur orð í stað þess að skrifa þar sem mér er algjör­lega mis­boðið,“ segir Jónína. „Umræðan um óhefð­bundnar lækn­ingar eru komnar út um víðan völl. Af hverju segi ég þetta? Ein­fald­lega vegna að læknar for­dæma hluti sem þeir þekkja ekki. Ef að læknar eru að ráð­ast gegn heilu starfs­stétt­unum, eins og und­an­farna daga, þá verð ég að segja nokkur orð fyrir hönd okkar sem höfum líka eytt fjár­magni og tíma í það að mennta okkur úr virtum háskólum jafn­vel. Þegar við tölum um óhefð­bundnar lækn­ingar þá þarf stundum að skil­greina okkur sem græð­ara. Þegar ég hugsa orðið græð­ari þá sé ég fyrir mér miðil eða Siggu Kling, fólk sem kemur inn í líf okkar og lofar okkur á óvís­inda­legan hátt ein­hverju betra,“ segir Jónína í mynd­band­inu sem sjá má hér fyrir neðan.  

Spyr hvort silíkon í brjóst sé hefðbundin lækning

Jónína heldur áfram og spyr hvort lýta­lækn­ingar flokk­ist sem hefð­bundin lækn­ing. „En hvað eru óhefð­bundnar lækn­ingar? Eru þær ekki oft á tíðum þær hefð­bundnu? Þeim alda, alda gömlu frá tímum Hippókrates. Þurfum við alltaf að ein­blína nútíma­lækn­ingar  sem einu lausn­ina? Mér finnst það ekki. Eru til dæmis lýta­lækn­ingar alltaf hefð­bundnar, að sprauta silíkoni í varir og setja silíkon í brjóst, er það mjög hefð­bundin lækn­is­fræði? Ég bara spyr? Er hreyf­ing til dæmis óhefð­bundin lækn­ing? Ég veit að svo er ekki,“ segir Jónína.

„Er hreyf­ing til dæmis óhefð­bundin lækn­ing?“

Detox gefur góða tilfinningu

Jónína seg­ist hafa orðið fyrir miklum for­dómum vegna detox-með­ferð­ar­innar sem hún hefur staðið fyrir um ára­bil. „Ég er lærður íþrótta­fræð­ingur með kenn­ara­rétt­indi og býð fólki ekki upp á kukl, þó vissu­lega hafi ég þurft að finna fyrir for­dómum og mjög nei­kvæðri umræðu oft á tíðum um detoxið. Sem betur fer þá er það á und­an­haldi vegna þess að fleiri og fleiri vita að með­ferðin ein og sér gefur ofboðs­lega góða til­finn­ingu og heilsa er til­finn­ing, hún er upp­lifun,“ segir Jónína. 

Árið 2010 birti emb­ætti Land­læknis grein­ar­gerð um hina svoköll­uðu detox-með­ferð. „Meg­in­gagn­rýni á hina svoköll­uðu detox-með­ferð varðar ristil­hreins­anir. Enginn fótur er fyrir gagn­semi þeirrar með­ferðar. Líkaminn sér að jafn­aði sjálfur um að hreinsa út eit­ur­efni,“ segir meðal ann­ars í þeirri grein­ar­gerð.