Boðað hefur verið til mótmæla fyrir framan húsnæði lögreglunnar á höfuðborgarsvæðinu í klukkan fimm í dag vegna frétta af auknum vopnaburði lögreglunnar. Örvar Geir Geirsson, skipuleggjandi mótmælanna, segir vopnvæðingu lögreglu ekki í takti við íslenskan raunveruleika þar sem glæpatíðni hefur bæði lækkað. Þá hafi árásum á lögregluþjóna sömuleiðis fækkað og því haldi rökin um öryggi lögregluþjóna ekki heldur vatni. „Öll glæpatölfræði segir að hlutirnir hafa batnað hérna á Íslandi frekar en versnað, þannig þessi ákvörðun er ekki í takt við neina þróun.“   

Rúmlega átta hundruð manns skrifað undir áskorun á netinu til löggæsluyfirvalda um að endurskoða ákvörðun sína um að hafa byssur í lögreglubílum en Fréttablaðið sagði frá því í síðustu viku að stefnt væri að því að skammbyssum yrði komið fyrir í sérstökum vopnakassa í lögreglubílum um miðjan desember. Einnig er skorað á Ólöfu Nordal innanríkisráðherra að breyta reglugerðum varðandi skotvopn við löggæslu þannig ekki fari á milli mála að lögreglu sé óheimilt að keyra um með slík tól við venjuleg löggæslustörf.  

Til þessa hefur sérsveitin verið eina lögregluliðið á höfuðborgarsvæðinu með vopn á sér og eru sérsveitarmenn sérþjálfaðir til þess að nota vopn í starfi. Tilgangurinn með breytingunum er sagður vera að minnka viðbragðstíma vopnaðra lögreglumanna, en það getur tekið sérsveit ríkislögreglustjóra nokkurn tíma að mæta á vettvang. Lögregluþjónar munu ekki koma til með að hafa aðgang að skammbyssunum nema þar til bær yfirmaður láti þeim í té aðgangskóða að vopnakassanum eftir að hann hefur verið upplýstur um málavexti. Yfirmaður mun þá meta nauðsyn þess í hverju tilviki fyrir sig.  

Engin umræða á Alþingi

Fjölmargir hafa furðað sig á því að engin umræða fór fram á Alþingi um málið. Helgi Hrafn Gunnarsson, þingmaður Pírata, spurði Ólöfu Nordal