Fréttir

Sigmundur nýtur nú jafnlítils trausts og Jóhanna þegar verst var

Traust á for­sæt­is­ráð­herra hef­ur hrun­ið. 63 pró­sent lands­manna vantreysta hon­um, en 17 pró­sent treysta hon­um.

Sigmundur nýtur nú jafnlítils trausts og Jóhanna þegar verst var
Formenn ríkisstjórnarflokkanna Sigmundur Davíð og Bjarni Benediktsson leiða ríkisstjórnina. Traust á þeim báðum hefur farið hratt minnkandi. Mynd: AFP
Birtist upphaflega í Stundinni fyrir 11 árum.

Traust á Sigmundi Davíð Gunnlaugssyni,  forsætisráðherra og formanni Framsóknarflokksins, hefur fallið mikið frá því hann tók við embætti. Hann nýtur nú jafnlítils trausts og forveri hans í stóli forsætisráðherra, Jóhanna Sigurðardóttir, þegar traust til hennar mældist minnst árin 2012 til 2013. 

Samkvæmt nýrri skoðanakönnun MMR hafa 63 prósent landsmanna lítið traust á Sigmundi Davíð. Aðeins 17,5% bera frekar eða mjög mikið traust til hans. Í febrúar 2013 sögðust 63 prósent landsmanna vantreysta Jóhönnu Sigurðardóttur, en 18 prósent treystu henni. Um það leyti, í mars 2013, lagði þáverandi stjórnarandstaða fram vantrauststillögu gegn sitjandi ríkisstjórn. Sigmundur Davíð greiddi atkvæði með vantrauststillögunni. 

Þetta er viðsnúningur frá könnun sem gerð var skömmu eftir að ríkisstjórn Sigmundar tók við völdum.

Þegar sundurliðaðar niðurstöður eru skoðaðar kemur í ljós að 48 prósent svarenda sögðust bera „mjög lítið traust“ til Sigmundar Davíðs.

Traust til stjórnmálaleiðtoga
Traust til stjórnmálaleiðtoga Forseti Íslands og formaður VG njóta sérstöðu í trausti.
Mynd: MMR

Minnkandi traust á Bjarna Benediktssyni

Skömmu eftir að Sigmundur Davíð settist í stól forsætisráðherra naut hann trausts tæplega 49 prósenta svarenda í könnun 1. júní 2013. Þá vantreystu aðeins 28 prósent forsætisráðherra.

Á þeim tíma naut Bjarni Benediktsson, fjármálaráðherra og formaður Sjálfstæðisflokksins, trausts 34 prósenta landsmanna, en 43 prósnet vantreystu honum. 

Bjarni nýtur nú trausts 22,8 prósent landsmanna, en tæp 58 prósent bera lítið eða mjög lítið traust til hans.

Traust á Sigmundi Davíð hefur fallið meira en traust á Bjarna Benediktssyni. Minnst mældist traust til Bjarna í febrúar 2013, en þá vantreystu 66 prósent landsmanna honum.

Könnun MMR var framkvæmd 30. mars til 8. apríl síðastliðinn. Spurt var: Hve mikið eða lítið traust berð þú til eftirfarandi aðila. Svarmöguleikar voru mjög lítið traust, frekar lítið traust, hvorki mikið né lítið traust, frekar mikið traust, mjög mikið traust og veit ekki/vil ekki svara. Niðurstöður sýna fjölda þeirra sem svöruðu annað hvort mjög/frekar mikið eða lítið traust. Samtals tóku 96,8 prósent afstöðu til spurningarinnar að hluta eða öllu leyti.

Árni Páll nýtur lítils trausts

Árni Páll Árnason, formaður Samfylkingarinnar, er sá stjórnmálamaður í stjórnarandstöðu sem mælist með minnst traust meðal landsmanna. Færri treysta honum en Sigmundi Davíð, eða tæp 15 prósent landsmanna. Þó eru nokkuð færri sem vantreysta honum en Sigmundi. 54 prósent svarenda í könnuninni sögðust bera frekar lítið eða mjög lítið traust til Árna Páls. 

Ólafur Ragnar Grímsson forseti nýtur mests trausts, ásamt Katrínu Jakobsdóttur, formanni Vinstri hreyfingarinnar - græns framboðs. 

Traust á stjórnmálaleiðtogum
Traust á stjórnmálaleiðtogum Meðfylgjandi súlrit sýnir hversu hátt hlutfall svarenda sagðist bera frekar eða mjög mikið traust til tiltekinna stjórnmálaleiðtoga.
Mynd: MMR

Vantraust
Vantraust Hér sjást þeir sem segjast bera frekar lítið eða mjög lítið traust til tiltekinna stjórnmálaleiðtoga. Fæstir, 26%, vantreysta Katrínu Jakobsdóttur, en flestir, 63 prósent, vantreysta Sigmundi Davíð Gunnlaugssyni.
Mynd: MMR

 

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Milljarða fjárfestingar Guðbjargar sem ekki sjást í skýrslunni
1
Úttekt

Millj­arða fjár­fest­ing­ar Guð­bjarg­ar sem ekki sjást í skýrsl­unni

Við­skipta­veldi Guð­bjarg­ar Matth­ías­dótt­ur bygg­ir fyrst og fremst á hagn­aði í sjáv­ar­út­vegi. Frá því að hún sett­ist í stjórn Ís­fé­lags­ins hafa nærri 15 millj­arð­ar streymt úr Ís­fé­lag­inu í Vest­manna­eyj­um til Guð­bjarg­ar og fjöl­skyldu. Hvorki hún né fjár­fest­ing­ar henn­ar koma fram í skýrslu sem unn­in var að beiðni Al­þing­is um eign­ir, eig­end­ur og fjár­fest­ing­ar stærstu út­gerð­ar­fé­laga lands­ins.
Halldór Jörgen Olesen
3
Aðsent

Halldór Jörgen Olesen

Hver borg­ar fyr­ir arð­semi bank­anna?

Ís­lensku bank­arn­ir græða nærri tvö­falt meira á hverri lán­aðri krónu en evr­ópsk­ir bank­ar. Há­ir stýri­vext­ir Seðla­bank­ans juku hagn­að­inn, en bjuggu hann ekki til. Skýr­ing­in ligg­ur í þrennu: að­eins þrír stór­ir bank­ar skipta mark­aðn­um á milli sín, verð­tryggð lán færa verð­bólgu­áhætt­una frá bönk­un­um yf­ir á heim­il­in, og krón­an lok­ar land­inu fyr­ir sam­keppni að ut­an. Töl­urn­ar stand­ast skoð­un og spurn­ing­arn­ar sem þær vekja gera það líka.
Samfylkingin klofnar vegna brottfararstöðvar: Hvað annað átti að gera?
5
Stjórnmál

Sam­fylk­ing­in klofn­ar vegna brott­far­ar­stöðv­ar: Hvað ann­að átti að gera?

Þing­nefnd­in sem fjall­aði um ný­sam­þykkta brott­far­ar­stöð fékk ábend­ing­ar og hug­mynd­ir að minnst tíu öðr­um leið­um sem hægt væri að fara en að setja börn í lok­að úr­ræði í brott­far­ar­stöð. Sam­fylk­ing­in virð­ist klof­in í af­stöðu sinni til máls­ins þó að þingl­ið flokks­ins hafi hreykt sér af sam­þykkt lag­anna.

Mest lesið í mánuðinum

Sáu sárin sem hún faldi
1
ViðtalElsku Embla

Sáu sár­in sem hún faldi

Þann 7. júní verða fimm ár lið­in frá frá­falli Emblu Arn­ars Katrín­ar­dótt­ur. And­lát henn­ar var harma­fregn fyr­ir sam­fé­lag­ið, en fjöl­skyld­an sat eft­ir með sorg­ina. Löngu áð­ur en Embla fékk grein­ingu var fjöl­skyld­unni orð­ið ljóst að hún væri orð­in al­var­lega veik, en vegna þess hve þög­ul veik­ind­in voru tók tíma að fá áheyrn. Jafn­vel þá skorti skiln­ing á stöðu barns­ins, sem svipti sig lífi og var jörð­uð á fimmtán ára af­mæl­is­dag­inn sinn.

Mest lesið í mánuðinum

Nýtt efni

Hélt upp á afmælið með blóðugum bardaga í Hvíta húsinu
Erlent

Hélt upp á af­mæl­ið með blóð­ug­um bar­daga í Hvíta hús­inu

„Michelle Obama er karl­mað­ur, er það ekki rétt, Am­er­íka?“ öskr­aði bar­dagakappi í míkró­fón­inn þar sem hann barð­ist fyr­ir fram­an for­set­ann. Don­ald Trump hélt upp á átt­ræð­is af­mæl­ið með því að setja upp UFC-bar­daga í Hvíta hús­inu. Að­dá­andi sagði við­burð­inn „tákn­ræn­an og lýs­andi fyr­ir banda­ríska menn­ingu“ á með­an aðr­ir sögðu hann smekk­lausa nið­ur­læg­ingu.

Mest lesið undanfarið ár

Loka auglýsingu