Malín Brand sendi rétt í þessu frá sér yfir­lýs­ingu um meinta fjár­kúgun á hendur Helga Jean Claessen, sem lagði í gær fram kæru á hendur Malín og systur hennar Hlín Ein­ars­dóttur, fyrir að kúga út úr sér fé með ásök­unum um nauðgun.  

„Að kvöldi laug­ar­dags­ins 4. apríl síð­ast­lið­inn hringdi Hlín systir mín í mig í miklu upp­námi og sagði mér að sér hafi verið nauðgað af fyrr­ver­andi sam­starfs­fé­laga sínum.“

Hlín hafi velt því fyrir sér að kæra mann­inn vegna fram­göngu hans. „Hann reyndi að ná sam­bandi við hana dag­inn eftir en hún vildi ekki tala við hann. Í kjöl­farið áttum við sam­skipti þar sem ég lýsti reiði minni en hann lagði áherslu, sam­kvæmt mínum skiln­ingi, á að fá hana til að kæra ekki.“

Á þriðju­deg­inum hafi Hlín beðið hana um að keyra sig á bráða­mótt­töku fyrir þolendur kyn­ferð­is­of­beldis þar sem hún fékk aðhlynn­ingu og skoðun.

„Ástand hennar að mati starfs­fólks þar benti til að hún hefði orðið fyrir nauðgun. Maðurinn lagði áherslu á að mann­orðs síns vegna myndi nauðg­un­ar­kæra, hvort sem hún leiddi til ákæru og sak­fell­ingar eða ekki, valda sér miklum hnekki. Systir mín féllst á þessi sjón­ar­mið og úr varð sátt með greiðslu miska­bóta. Upphæð bót­anna var hennar til­laga. 

Sam­skiptin fóru í gegnum mig því systir mín treysti sér ekki til að eiga þau. Eins og fram hefur komið veitti ég sátta­fénu við­töku fyrir hönd systur minnar og kom því áfram til hennar. Sáttin var hand­skrifuð í tveimur ein­tökum sem aðilar und­ir­rit­uðu, ann­ars vegar við­kom­andi og hins vegar ég fyrir hönd systur minnar, þar sem hver hélt eftir sínu ein­taki. Upphæðin kom þar meðal ann­ars fram en ekki var um kvittun að ræða.“

Malín leggur að lokum áherslu á að hún vilji ekki stuðla að því að flekka mann­orð nokk­urs manns. „Ekki má sak­fella neinn fyrr en mál hafa verið að fullu rann­sökuð. Meint brot manns­ins er alvar­legt, rétt eins og aðkoma mín að broti systur minnar gagn­vart for­sæt­is­ráð­herra og fjöl­skyldu hans. Mér þykir óskap­lega leitt að hafa valdið þessu fólki skaða.“