„Ég læt Aþenu ekki frá mér, það kemur ekki til greina,“ segir Friðrik Þór Andreassen, heimspekinemi við Háskóla Íslands og eigandi hinnar níu vetra gömlu læðu; Aþenu. Friðrik leigir íbúð á vegum Brynju, hússjóðs Öryrkjabandalags Íslands, við Sléttuveg, en nýjar reglur kveða á um blátt bann við dýrahaldi í slíkum íbúðum frá og með 15. maí næstkomandi. „Við skulum bara sjá hvað verða vill en ég læt hana ekki frá mér. Það er best að orða það bara svoleiðis.“
„Hún Aþena er afskaplega háð mér,“ segir Friðrik í samtali við Stundina. „Hún vill ekkert vera í kringum alla, en hún vill vera í kringum mig og mína vini. Þetta er afskaplega ljúfur og skemmtilegur köttur í alla staði.“ Hann segist ekki trúa öðru en að það finnist lausn á málinu áður en þetta fái að ganga lengra. „Ef það á að henda hverjum einasta íbúa út sem er með gæludýr, þá þurfa þeir liggur við að hreinsa út úr annarri hverri íbúð og þá fyrst yrði nú allt vitlaust fyrir alvöru.“
„Ef það á að henda hverjum einasta íbúa út sem er með gæludýr, þá þurfa þeir liggur við að hreinsa út úr annarri hverri íbúð“
Friðrik er ekki sá fyrsti sem gagnrýnir þessar nýju reglur en Hallgerður Hauksdóttir, formaður Dýraverndunarsambands Íslands, sagði í samtali við fréttastofu RÚV á
Athugasemdir