Jón Hákon Hall­dórs­son, blaða­maður á 365 miðlum, var kall­aður á teppið hjá Ingi­björgu Pálma­dóttur, aðal­eig­anda og stjórn­ar­for­manni fyr­ir­tæk­is­ins, Jóni Ásgeiri Jóhann­essyni eig­in­manni hennar og Einari Þór Sverris­syni, lög­manni sem situr í stjórn fyr­ir­tæk­is­ins.

Samkvæmt heim­ildum Stund­ar­innar var fund­ur­inn hald­inn vegna gagn­rýni Jóns Hákons og ann­arra starfs­manna fyr­ir­tæk­is­ins á upp­sögn Pjeturs Sig­urðs­sonar, yfir­manns ljós­mynda­deildar og fram­göngu aðal­rit­stjóra og yfir­stjórnar í hans garð. 

„Við, starfs­menn Frétta­blaðs­ins og Vísis, mót­mælum harð­lega óverð­skuld­aðri upp­sögn yfir­manns ljós­mynda­deildar 365, Pjeturs Sig­urðs­sonar. Jafn­framt eru hörmuð óásætt­an­leg vinnu­brögð aðal­rit­stjóra og yfir­stjórnar fyr­ir­tæk­is­ins í aðdrag­anda upp­sagnar Pjeturs og við kynn­ingu á henni til sam­starfs­manna hans,“ segir í yfir­lýs­ingu sem sam­þykkt var ein­róma á fundi starfs­manna Frétta­blaðs­ins og Vísis þann 8. ágúst og send fjöl­miðlum dag­inn eftir úr tölvu­póst­fangi Jóns Hákons. Er þetta ástæða þess að hann var boð­aður á fund­inn.

Kristín Þor­steins­dóttir aðal­rit­stjóri

Mynd:

Jóni Hákoni blöskr­aði upp­sögnin á Pjetri Sig­urðs­syni líkt og flestum kol­legum hans. Forsagan er sú að Pjetur, sem hafði starfað hjá Frétta­blað­inu í um 13 ár eða nán­ast frá stofnun þess, sak­aði Kristínu Þor­steins­dóttur aðal­rit­stjóra um ein­elti. Athugun var sett af stað undir hand­leiðslu mannauðs­stjóra og fjár­mála­stjóra fyr­ir­tæk­is­ins en ferl­inu snar­lega hætt eftir að Kristín komst á snoðir um það.

Frétta­tím­inn greindi frá mál­inu í byrjun sum­ars, en sam­kvæmt heim­ildum blaðs­ins hafði Kristín verið beðin sér­stak­lega afsök­unar á athugun mannauðs­stjóra og fjár­mála­stjóra. Skömmu síðar sagði mannauðs­stjór­inn upp störfum. Þegar Kristín hélt svo sér­stakan starfs­manna­fund um mál­efni Pjeturs í síð­ustu viku, án þess að hann fengi sjálfur að vera við­staddur, var blaða­mönnum nóg boðið.

„Við beinum því til stjórnar og stjórn­enda 365 að tryggja að slík fram­ganga, sem grefur undan fag­legum grunni og trú­verð­ug­leika frétta­stof­unnar, geti ekki end­ur­tekið sig. Pjetur Sig­urðs­son hefur þriggja  ára­tuga reynslu sem blaða­ljós­mynd­ari. Þar af þrettán ára starfs­feril hjá Frétta­blað­inu og Vísi. Hann á að baki far­sælan feril og hefur reynst góður sam­starfs­maður,“ segir í yfir­lýs­ingu starfs­manna.

Vikt­oría Her­manns­dóttir, annar rit­stjóra helg­ar­blaðs Frétta­blaðs­ins og Fanney Birna Jóns­dótt­ir, aðstoð­ar­rit­stjóri Frétta­blaðs­ins, sögðu nýlega upp störfum. Þá hefur Stundin fengið stað­fest að Óli Kristján Ármanns­son, einn reynslu­mesti blaða­maður Frétta­blaðs­ins, er einnig á förum.