Hús­næð­is­verð hækk­aði mest á Íslandi á sein­asta árs­fjórð­ungi 2016 og leiðir nú í fyrsta skipit lista yfir hækk­anir á hús­næð­is­verði í 55 löndum frá því mæl­ingar hófust árið 2006. Þetta kemur fram í skýrslu breska grein­ing­ar­fyr­ir­tæk­is­ins Knight Frank. 

Hag­fræð­ing­ur­inn Dr. Ólafur Mar­geirs­son vakti athygli á þessu á Twitter síðu sinni þar sem hann skrif­aði: „Ísland, best í heimi!“

Vegið með­al­tal hækk­unar hús­næð­is­verðs í 55 löndum var 6 % en á sama tíma hækk­aði hús­næð­is­verð hér á landi um 14,7% á tólf mán­aða tíma­bili. 

Ísland var þó nokkuð ofar á lista en hin Norð­ur­löndin. Noregur var í 10. sæti en þar hækk­aði hús­næð­is­verð um 10,1 % og Svíþjóð var 22. sæti þar sem hús­næð­is­verð hækk­aði um 6,1%. Í Danmörk hækk­aði hús­næð­is­verð aðeins um 3,9 % en í Finn­landi um 3%.

Á Íslandi heldur fast­eigna­verð áfram að hækka en sam­kvæmt sam­an­tekt Lands­bank­ans hækk­aði fast­eigna­verð á höf­uð­borg­ar­svæð­inu um 1,8 % í jan­úar. 

Stundin hefur und­an­farið fjallað um áhrif hækk­unar hús­næð­is­verð á stöðu ungs fólks og þau mis­skipt­ing­ar­á­hrif sem fylgja í kjöl­farið.