Hildur Lilliendahl ofsótt af einkaþjálfara: „Ég mun rústa þínu einkalífi“

Hildur Lilli­endahl hefur fengið ógn­andi skila­boð og hót­anir frá manni sem seg­ist vera ósáttur við að kona hans sótti í Kvenna­at­hvarfið. „Ég mun rústa þínu einka­lífi,“ segir mað­ur­inn.

Þá sakar hann hana um að hafa reynt að kæra Egil Gillzenegger einka­þjálf­ara. „Reyndir að kæra Gills. Nú er það ég.“

Maðurinn, Kristján Jökull Aðal­steins­son, hefur verið fasta­gestur í útvarps­þætt­inum Harma­geddon á X-977, þar sem hann hefur vakið athygli fyrir skraut­leg og oft slá­andi ummæli um sig og konu sem fór frá honum. Hann hefur áður sent Hildi ógn­andi skila­boð. Þá sagði hann :„Vantar einn svona harðan til að útrýma þessum öfga­femínistum.“

Hildur vildi ekki tjá sig um málið við Stundina en benti ein­fald­lega á umræð­una undir Twitter deil­ing­unni sinni.

Í sam­tali við Stundina seg­ist Kristján ekki sjá hvað væri að skila­boð­unum, og leit ekki á þau sem hótun. Þegar blaða­maður bar undir hann ummælin „Það vantar einn harð­ann til að útrýma þessum öfga­femínista,“ sagði Kristján að hann meinti að hún væri öfga­fem­inisti „og hún er með hatur út í karl­menn.“

Blaða­maður: En hvað áttu við með þegar þú segir að það þurfi einn harð­ann til að útrýma henni?

Kristján: Ég veit það ekki. Ég er með les­blindu.

Blaða­maður: Já, þetta kemur les­blindu kannski ekki beint við.

Kristján: Nei, ég skal segja þér það, eða ég ætla ekk­ert að segja þér það. En ég meina get ég, get ég, ég bara tek þetta til baka sem ég sagði og bið hana afsök­unar á því.

Blaða­maður: Já, þú ert þarna ítrekað að senda henni skila­boð. Hún biður þig að hætta að senda sér skila­boð og þú heldur áfram og segir að þurfi einn harðan til að útrýma þessum öfga­fem­inista.

Kristján: Þá er ég að meina að breyta til, það er ekki fem­inista, ég sagði breyta þessum fem­inista og útrýma þessum öfga­fem­inista. Ég er að meina það, ég er ekk­ert að meina annað. En mér finnst þetta voða­lega, bara voða­lega sko, ég finnst þetta voða­lega sko sak­laust verð ég að segja. Mér finnst ekki þetta hótun.

Kristján hefur meðal ann­ars sagt á útvarps­stöð­inni X-inu að hann þyrfti aldrei að borga fyrir vændi vegna þess að hann væri svo mynd­ar­legur. Hann við­ur­kenndi í öðru sam­tali við þátt­inn að hann hefði slegið kon­una sína á skemmti­stað, eftir að hún hafði slegið hann.  

Kristján Jökull

Í við­tali við DV árið 2014 tal­aði Kristján opin­skátt um fjögur ár sem hann var nem­andi í Öskju­hlíð­ar­skóla. Í skól­anum eru nem­endur með þroska­skerð­ingu, bæði lík­am­lega og and­lega, en sjálfur seg­ist Kristján aðeins hafa verið með athygl­is­brest og ofvirkni. „Þetta hefur haft slæmar afleið­ingar og ég hef verið reiður vegna þess í 27 ár,“ sagði Kristján í við­tal­inu. Að lokum var tekin ákvörðun um að flytja hann í annan skóla vegna ítrek­aðra beiðna hans þar um, og var hann þá fluttur í sér­deild í Fella­skóla.