Háskóli Íslands hefur falið lög­manni á lög­manns­stof­unni Lex að höfða mál á hendur Friðriki Eysteins­syni, fyrr­ver­andi aðjúnkt í mark­aðs­fræðum, til ógild­ingar á úrskurði úrskurð­ar­nefndar um upp­lýs­inga­mál frá 21. jan­úar 2015. Í úrskurð­inum var háskól­anum gert að verða við beiðni Friðriks um aðgang að skýrslu sem unnin var af sál­fræði­stofu fyrir Félags­vís­inda­svið Háskóla Íslands. „Stefn­andi krefst jafn­framt máls­kostn­aðar að skað­lausu úr hendi stefnda,“ segir í stefn­unni sem Stundin hefur undir höndum.

Forsaga máls­ins er sú að haustið 2013 ræddu sál­fræð­ingar við starfs­fólk við­skipta­fræði­deildar vegna sam­skipta­vanda í deild­inni. Útbúin var skýrsla sem Friðrik hefur barist fyrir að fá afhenta, enda telur hann að efni hennar stað­festi að hann hafi verið beittur órétti af stjórn­endum deild­ar­innar auk þess að hafa orðið fyrir þöggun og ein­elti vegna gagn­rýni sinnar á starfs­hætti skól­ans. Friðrik glímir við ólækn­andi krabba­mein, en fimm ára ráðn­ing hans við við­skipta­fræði­deild Háskóla Íslands rann út í ágúst árið 2013.