Birgitta: „Getur einhver útskýrt fyrir mér muninn á Framsókn og VG?“

Birgitta Jóns­dóttir, for­ystu­kona í Pírötum, kennir Vinstri grænum um að það slitn­aði upp úr stjórn­ar­mynd­un­ar­við­ræðum Pírata, VG, Við­reisnar, Bjartrar fram­tíðar og Sam­fylk­ing­ar­innar skömmu fyrir jól. „Getur ein­hver útskýrt fyrir mér mun­inn á Framsókn og VG þegar kemur að stefnu­málum?“ spyr hún á Facebook og deilir frétt þar sem fjallað er um að for­menn Vinstri grænna og Fram­sókn­ar­flokks­ins hafi hist og rætt mögu­lega sam­starfs­fleti við Sjálf­stæð­is­flokk­inn. Greint var frá mál­inu í Morg­un­blað­inu í dag og stað­festi Katrín Jak­obs­dóttir í við­tali við Harma­geddon að sam­tal um mögu­legt sam­starf hefði átt sér stað milli Vinstri grænna, Sam­fylk­ing­ar­innar og Fram­sókn­ar­flokks­ins.

Birgitta hefur und­an­farnar vikur beint spjótum sínum að Vinstri grænum. „Mér sýn­ist nú, því miður, VG hafa ákveðið að taka sleggju og lemja sundur brúna sem við náðum að byggja á milli fólks,“ sagði hún í við­tali við Stundina þann 14. des­em­ber eftir að við­ræður flokk­anna fimm fóru út um þúfur. 

Daginn eftir greindi Stundin frá því að Benedikt Jóhann­es­son, for­maður Við­reisnar, hefði boðað Katrínu á fund þann 12. des­em­ber og hvatt til þess að þau færu sam­eig­in­lega með þau skila­boð inn á fund for­manna flokk­anna að of langt væri á milli Við­reisnar og Vinstri grænna til að unnt væri að mynda rík­is­stjórn. Á umræddum fundi var við­ræð­unum slitið og í kjöl­farið sendi Viðreisn út frétta­til­kynn­ingu þar sem Vinstri grænum var kennt um. „Því miður náð­ist (…) ekki sam­staða um mik­il­væg efn­is­at­riði. Einkum voru það áherslur VG í rík­is­fjár­málum, sjáv­ar­út­vegs­málum og land­bún­að­ar­málum sem stóðu fjarri áherslum hinna flokk­anna,“ sagði í til­kynn­ing­unni. Aðspurð um málið sagði Katrín Jak­obs­dóttir í sam­tali við Stundina að það hefði komið sér „veru­lega á óvart þegar við­ræðu­slit­unum var stillt þannig upp að frum­kvæðið að þeim hefði ein­ungis komið frá VG“. 

Birgitta Jóns­dóttir sagði á Facebook á dög­unum að slitnað hefði upp úr fimm­flokka­við­ræð­unum vegna þess að einn af þátt­tak­endum þeirra hefði verið „flokk­ur sem vill ekki grund­vall­ar­breyt­ing­ar sem gat ekki hugsað sér að halda áfram með þess­ar sam­ræður, ekki BF“. Þarna sagð­ist hún vísa til Vinstri­ hreyf­ing­ar­inn­ar græns fram­boðs. 

Í dag óskar Birgitta eftir því að ein­hver útskýri fyrir sér mun­inn á stefnu­málum Fram­sókn­ar­flokks­ins og Vinstri grænna. Stefnu­mál flokk­anna má sjá á vef­síðum þeirra og eru um margt ólík þótt báðir flokkar aðhyllist félags­hyggju að nafn­inu til.