„Þegar þessi tilfinning hellist yfir mig verð ég hamingjusöm“

Margrét Gauja Magn­ús­dóttir er ham­ingju­söm þegar hún finnur sjálfa sig í augna­bliki sem vermir um hjartað og hún veit að hún mun varð­veita sem góða minn­ingu. „Þau augna­blik geta verið lítil og smá­vægi­leg og líka stór­feng­leg. Þessi augna­blik sem maður brosir inní sér eða hrein­lega springur úr hlátri og jafn­vel grætur úr gleði.

Einnig finn ég að ég verð ham­ingju­sam­ari í mínu eigin skinni eftir því sem ég verð betri og betri í að vera skít­sama um hvað öðrum finnst. Þetta er ótrú­lega frelsandi tilfnn­ing sem krefst æfingar og stan­lausrar með­vit­undar en þegar þessi til­finn­ing hellist yfir mig, verð ég ham­ingju­söm því þá veit ég að ég er að þroskast og bæta mig. Ég veit að það tala allir um núvit­und og það að vera í núinu og njóta þess, en ég aft­urá­móti verð alltaf spennt og ham­ingju­söm þegar ég horfi fram í tím­ann og skipu­legg eitt­hvað skemmti­legt eða set mér mark­mið. Að gera góða, inni­halds­ríka „to do“ lista fulla af gleði gerir mig ham­ingju­sama.“