„Mér finnst fram­tíðin ekk­ert vera sér­stak­lega björt fyrir dóttur mína þótt hún hafi verið að útskrif­ast úr fram­halds­skóla. Fram­tíðin á að vera æðis­leg og spenn­andi og það á að vera svo mikið fram undan en hjá henni er það ekki. Mér finnst það vera mjög sorg­legt,“ segir Helga Hákon­ar­dóttir, móðir Katrínar Önnu, sem er 19 ára nýstúd­ent. Katrín Anna er fötluð og fá úrræði virð­ast vera í boði.

Katrín Anna er með mikla þroska­hömlun og dæmi­gerða ein­hverfu, auk sjón­skerð­ingar og athygl­is­brests með ofvirkni.

Katrín lauk nýlega stúd­ents­prófi frá sér­deild Fjöl­brauta­skól­ans við Ármúla, en eftir það tekur alger óvissa við og fyr­ir­sjá­an­legt tóm. „Það eru margir fram­halds­skólar í boði fyrir fatl­aða en svo þegar þeir klára námið þá er nán­ast ekk­ert í boði,“ segir Helga.

Helga seg­ist ekki vita hvað tekur við. „Það er bara óvissa. Bið. Biðlistar. Leit að úrræðum um hvað sé í boði og hvað …