Móðir sex ára gam­als drengs, sem hafði orðið fyrir því að sköfl­ungs­bein í fæti hans brotn­aði þegar hjólað var á hann í Keflavík, er ósátt við for­gangs­röð­un­ina á bráða- og slysa­deild Land­spít­al­ans. 

Kona, sem kom inn á deild­ina á eftir þeim, fékk for­gang fram yfir dreng­inn og aðra í bið­stof­unni, þótt meiðsli hennar væru sýni­lega ekki alvar­legri en hans. Um var að ræða Dorrit Moussaieff for­seta­frú.

„Við vorum vorum ennþá í afgreiðsl­unni þegar þau komu, Dorrit og Ólafur Ragnar. Þau komu rétt á eftir okkur. Okkur var sagt að fá okkur sæti, en þau voru kölluð inn eftir tvær mín­útur. Ég veit ekki nákvæm­lega hvað kom út úr því hjá þeim, en það var slatti af fólki þarna inni sem virt­ist vera tölu­vert meira slasað eða veikt en hún. Þar á meðal sonur minn,“ segir Margrét Heiður, móðir drengs­ins.