Theresa May, nýr forsætisráðherra Bretlands, segist ekki myndi hika við að nota kjarnavopn til þess að drepa hundruð þúsunda, teldi hún það nauðsynlegt.

Forsætisráðherrann gaf þetta svar í umræðum á þinginu, þar sem tekist var á um hina umdeildu Trident kjarnorkuvopna stefnu stjórnvalda. Sögðu stjórnarandstæðingar umræðurnar vera setta á svið til þess að draga athygli frá klofningi sem hefur orðið á milli Jeremy Corbyn og bróðurparts þingmanna Verkamannaflokksins.

Theresa May var spurð af þingmanni Skoska þjóðarflokksins, SNP, George Kerevan: „Ert þú tilbúin að leyfa notkun kjarnorkuvopna sem gætu drepið hundruð þúsunda manna, kvenna og barna?“ Svaraði Teresa spurningunni með aðeins einu orði:

„Já.“

Sagði hún einnig að það væri gríðarlega óábyrgt fyrir Bretland að loka fyrir notkun kjarnorkuvopna og sakaði hún andstæðing Trident stefnunnar um að vera „þá fyrstu til að vernda óvini landsins.“ 

Fyrri forsætisráðherrar hafa forðast að svara spurningunni um hvort þeir myndu hugsanlega nota kjarnavopn. Geoffrey Howe, sem var utanríkisráðherra í lok kalda stríðsins sagði að þetta væri spurning sem enginn forsætisráðherra ætti nokkurn tíman að svara með nei eða já svari.

„Ég lít ekki svo á að hótun um fjöldamorð sé eðlileg leið til þess að fást við alþjóða samskipti.“

En Theresa er talin hafa vitað að Jeremy Corbin, hennar helsti andstæðingur, myndi vera óhræddur við að lýsa yfir sinni skoðun, sem er á öndverðu meiði við hennar eigin. Án þess að vera spurður lýsti Corbyn því yfir að „Ég mun ekki taka ákvörðun sem myrðir milljón saklausar manneskjur.“ Hann bætti einnig við: „Ég lít ekki svo á að hótun um fjöldamorð sé eðlileg leið til þess að fást við alþjóða samskipti.“

Trident Nafnið vísar í þrífork sjávarguðsins Póseidons, úr grískri goðafræði.

Það var David Cameron, fyrrum forsætisráðherra, sem tók ákvörðunina um að þetta mál væri á dagskrá þingsins. Sat hann í þriðju sætaröð fyrir aftan Teresu May á meðan á umræðum stóð og tók ekki þátt.

Þingið var beðið að samþykkja 30 milljarða punda aukafjár aukningu til þess að endurnýja Trident kafbátaflota landsins. Kafbátarnir eru allir útbúnir kjarnavopnum, og hverja einustu klukkustund er ávallt að minnsta kosti einn kafbátur frá þeim á hafi úti.

Trident var upphaflega keypt frá Bandaríkjunum af Margréti Thatcher, þáverandi forsætisráðherra.