Láns­hæf­is­ein­kunn vog­un­ar­sjóðs­ins Och-Ziff Capi­tal Mana­gement Group var færð niður í rusl­flokk hjá grein­ing­ar­fyr­ir­tæk­inu Stand­ard & Poor’s í gær, en til­kynnt var á sunnu­dag að sjóður á vegum fyr­ir­tæk­is­ins hefði keypt 6,6 pró­sent hlut í Arion banka í lok­uðu útboði.  

MarketWatch greindi frá breyttri láns­hæf­is­ein­kunn Och-Ziff í gær og Kjarninn vakti athygli á mál­inu í dag. Um er að ræða sama vog­un­ar­sjóð og varð upp­vís að mútu­greiðslum til opin­berra starfs­manna í Líbíu og Kongó.

Að mati Standard and Poor's hefur rekstur félags­ins versnað að und­an­förnu vegna minnk­andi eigna í stýr­ingu og eru horfur þess taldar nei­kvæðar til fram­tíðar. Af þeim sökum var ein­kunn fyr­ir­tæk­is­ins færð í flokk­inn BB, en slík ein­kunn gefur alla jafna til kynna að óvissa ríki um fram­tíð og rekstr­ar­horfur fyr­ir­tækis og að ekki þurfi mikið til að það lendi í þeirri stöðu að geta ekki staðið við fjár­hags­legar skuld­bind­ingar sínar. 

Tilkynnt var um …