Samkvæmt heim­ildum Stund­ar­innar hefur dokt­or­snemi við við­skipta­fræði­deild Háskóla Íslands form­lega kvartað undan Miðstöð fram­halds­náms til umboðs­manns Alþingis. Neminn, sem hefur stundað dokt­ors­nám í við­skipta­fræði við Háskóla Íslands í um sex ára skeið, baðst undan því að ræða við Stundina um málið en stað­festi þó að hann hafi sent form­lega kvörtun til umboðs­manns Alþingis. Að sögn heim­ild­ar­manns Stund­ar­innar sem þekkir vel til máls­ins und­ir­býr nem­inn nú enn fremur skaða­bóta­mál gegn háskól­anum.

Jón Atli Bene­dikts­son, aðstoð­ar­rektor og fram­bjóð­andi í kom­andi rekt­ors­kosn­ingum, fer fyrir Miðstöð fram­halds­náms og er því ábyrgur gagn­vart umboðs­manni Alþingis. Stundin hafði sam­band við emb­ætti umboðs­manns Alþingis og feng­ust þar þau svör að emb­ættið tjáði sig ekki um ein­stök mál fyrr en álit er birt.

Ekki náð­ist í Jón Atla við vinnslu fréttar. Hann er einn þriggja sem bjóða sig fram til rektor en rekt­ors­kjör fer fram 13. apríl næst­kom­andi. Hann hefur verið for­stöðu­maður Mið­stöðvar fram­halds­náms frá árinu 2009.
Magnús Lyngdal Magn­ús­son, skrif­stofu­stjóri Mið­stöðvar fram­halds­náms, hafði sam­band við Stundina eftir óskað var eftir við­brögðum frá Jón Atla. Magnús sagði að ábyrgðin lægi frekar á hans herðum heldur en Jóns Atla þar sem hann sinnir dag­legum rekstri Mið­stöðvar fram­halds­náms. Hann sagð­ist þó ekk­ert geta tjáð sig um málið þar sem þeim hefur ekki borist neitt erindi frá umboðs­manni Alþingis.