Þessi grein birtist upphaflega í Stundinni fyrir meira en 8 árum.

Borginni óheimilt að semja við þá sem hafa verið sakfelldir fyrir sviksemi

Í inn­kauparegl­um Reykja­vík­ur­borg­ar seg­ir að óheim­ilt sé að gera samn­ing við þá sem hafa ver­ið sak­felld­ir fyr­ir spill­ingu, svik­semi, pen­inga­þvætti eða þátt­töku í skipu­lagri brot­a­starf­semi. Borg­in samdi við fé­lag í eigu Ól­afs Ólafs­son­ar um upp­bygg­ingu 332 íbúða í Voga­byggð fyrr í mán­uð­in­um. Ólaf­ur fékk fjög­urra og hálfs árs fang­els­ins­dóm fyr­ir hlut­deild sína í Al Thani-mál­inu. Í svari borg­ar­lög­manns kem­ur fram að samn­ing­ur­inn flokk­ist ekki sem inn­kaup.

Borginni óheimilt að semja við þá sem hafa verið sakfelldir fyrir sviksemi
Ólafur Ólafsson Félag í eigu Ólafs samdi nýlega við Reykjavíkurborg um uppbyggingu 332 íbúða í Vogabyggð, þrátt fyrir að borginni sé óheimilt að semja við þá sem hafa verið sakfelldir fyrir sviksemi. Ólafur var dæmdur fyrir hlutdeild í Al-Thani málinu, sem snérist um umboðssvik og markaðsmisnotkun.

Reykjavíkurborg er óheimilt að gera samning við þá sem hafa verið sakfelldir fyrir spillingu, sviksemi, peningaþvætti eða þátttöku í skipulegri brotastarfsemi. Þetta kemur fram í innkaupareglum borgarinnar, en Jenný Stefanía Jensdóttir, formaður Gagnsæis, samtökum gegn spillingu, vakti athygli á þessu á Facebook-síðu sinni í gær. 

Festir ehf., félag í eigu Ólafs Ólafssonar athafnamanns, undirritaði þann 13. mars síðastliðinn samning við Reykjavíkurborg um uppbyggingu 332 íbúða á Gelgjutanga. Ólafur var sem kunnugt er dæmdur í fjögurra og hálfs árs fangelsi fyrir þátt sinn í Al-Thani-málinu svokallaða. Málið snerist um kaup félags í eigu sheikh Mohammad Bin Khalifa Al-Thani frá Katar á rúmlega fimm próstent hlut í Kaupþingi banka árið 2008, en í ljós hefur komið að Al-Thani lagði bankanum ekki til nýtt fé með kaupunum heldur voru þau fjármögnum með lánum frá bankanum sjálfum sem veitt voru í gegnum aflandsfélög. 

Ný rannsóknarskýrsla leiddi í ljós að svipuðum aðferðum var beitt við kaup Ólafs og félaga á Búnaðarbankanum árið 2003 þegar látið var líta út fyrir að þýski bankinn Hauck & Aufhäuser væri aðili að kaupunum. Í raun var eigandi hlutarins aflandsfélagið Welling & Partners, skráð á Tortóla á Bresku Jómfrúaeyjum. Með fjölda leynilegra samninga og millifærslum á fjármunum, meðal annars frá Kaupþingi hf., inn á bankareikning Welling & Partners hjá Hauck & Aufhäuser, var þýska bankanum tryggt skaðleysi af viðskiptunum með hluti í Búnaðarbankanum. 

Reykjavíkurborg yrði skaðabótaskyld

Vogabyggð
Vogabyggð Vogabyggð austan Sæbrautar verður breytt í íbúða- og atvinnusvæði. Svæðið er í dag eingöngu atvinnusvæði en eftir breytingar verður fjórðungur húsnæðis ætlaður atvinnustarfsemi. Gert er ráð fyrir 1.100 íbúðum í hverfinu eftir breytingar.

Þrátt fyrir áðurnefnt ákvæði í innkaupareglum borgarinnar segir Hrólfur Jónsson, sviðsstjóri framkvæmda- og eignasviðs Reykjavíkur, að eignarhald fyrirtækja sem borgin íhugar að semja við sé ekki rætt sérstaklega og því hafi fortíð Ólafs ekki komið til tals í þessu tilfelli. „Undirrituðum var ljóst hver var meirihlutaeigandi félagsins. Það er hins vegar ekki gerð sérstök grein fyrir eignarhaldi þegar samningar eru lagðir fyrir borgarráð af hálfu skrifstofunnar,“ sagði Hrólfur í skriflegu svari við fyrirspurn Fréttatímans fyrr í mánuðinum

Björn Blöndal, formaður borgarráðs, segir í samtali við RÚV í dag að Reykjavíkurborg yrði skaðabótaskyld ákveði borgaryfirvöld að rifta samningi við félag Ólafs. Slík ákvörðun myndi auk þess tefja eða eyðileggja verkefnið. 

Byggingareiturinn gengur undir heitinu Vogabyggð og er áformað að uppbygging hefjist á fyrri hluta árs 2018 og að í heild sinni verði allt að 1.300 íbúðir í hverfinu. Reykjavíkurborg og lóðahafar munu standa sameiginlega að uppbyggingu svæðisins. Þess má geta að Festir átti fyrir allar byggingarnar á Gelgjutanga, sem liggur að athafnasvæði Samskipa við Kjalarvog í Reykjavík, og mun félagið rífa þessar fasteignir til að byggja íbúðirnar.

Stundin hefur sent fyrirspurn á borgarlögmann Reykjavíkur vegna málsins. Svar borgarlögmanns var að viðkomandi viðskipti teldust ekki „innkaup“ í skilningi reglnanna.

„Innkaupareglur Reykjavíkurborgar gilda um innkaup, þ.e. um kaup á þjónustu, vörum og verklegum framkvæmdum, sbr. 4. gr. innkaupareglna Reykjavíkurborgar. Umræddur samningur, sem varðar skipulag, uppbyggingu og þróun á þar til greindu svæði í borgarlandinu, fellur ekki undir innkaupareglur Reykjavíkurborgar þar sem hann varðar ekki innkaup í skilningi innkaupareglnanna. Af því leiðir að ákvæði 28. gr. innkaupareglna Reykjavíkurborgar gildir ekki um samninginn.“

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

„Ég var bara glæpamaður“
1
Viðtal

„Ég var bara glæpa­mað­ur“

„Margt af því sem ég hef gert mun ég aldrei geta bætt fyr­ir,“ seg­ir Kristján Hall­dór Jens­son, sem var dæmd­ur fyr­ir al­var­leg­ar lík­ams­árás­ir. Hann var mjög ung­ur að ár­um þeg­ar ljóst var í hvað stefndi og fann ekki leið­ina út fyrr en ára­tug­um síð­ar. Í dag fer hann inn í fang­els­in til þess að hjálpa öðr­um, en það er eina leið­in sem hann sér færa til þess að bæta fyr­ir eig­in brot.
Þakklátur fyrir að vera á lífi
2
Viðtal

Þakk­lát­ur fyr­ir að vera á lífi

Þor­lák­ur Mort­hens, Tolli, hef­ur marga fjör­una sop­ið í lífs­ins ólgu­sjó. Æsku­ár­in höfðu sín áhrif en þá byrj­aði hann að teikna og var ljóst að dreng­ur­inn væri gædd­ur hæfi­leik­um. Óregla og veik­indi lit­uðu fjöl­skyldu­líf­ið og á unglings­ár­un­um sá hann um sig sjálf­ur. Um ára­bil var hann sjómað­ur, verka­mað­ur og skóg­ar­höggs­mað­ur. Eft­ir mynd­list­ar­nám hef­ur hann lif­að af mynd­list­inni. Nú er Tolli far­inn að mála í ljós­ari tón­um. Hann gaf nýra, greind­ist síð­an með krabba­mein og sigr­aði.

Mest lesið í mánuðinum

„Ég var bara glæpamaður“
3
Viðtal

„Ég var bara glæpa­mað­ur“

„Margt af því sem ég hef gert mun ég aldrei geta bætt fyr­ir,“ seg­ir Kristján Hall­dór Jens­son, sem var dæmd­ur fyr­ir al­var­leg­ar lík­ams­árás­ir. Hann var mjög ung­ur að ár­um þeg­ar ljóst var í hvað stefndi og fann ekki leið­ina út fyrr en ára­tug­um síð­ar. Í dag fer hann inn í fang­els­in til þess að hjálpa öðr­um, en það er eina leið­in sem hann sér færa til þess að bæta fyr­ir eig­in brot.
Íslendingar vísa trans konu á flótta frá Bandaríkjunum úr landi
6
Fréttir

Ís­lend­ing­ar vísa trans konu á flótta frá Banda­ríkj­un­um úr landi

Kona sem er á flótta frá Banda­ríkj­un­um með son sinn sótti um al­þjóð­lega vernd á Ís­landi. Fyr­ir Út­lend­inga­stofn­un lýsti hún því hvernig hat­ur hafi far­ið vax­andi þar í landi gagn­vart kon­um eins og henni – trans kon­um – sam­hliða að­gerð­um stjórn­valda gegn trans fólki. Sjálf hafi hún orð­ið fyr­ir að­kasti og ógn­un­um. „Með hverj­um deg­in­um varð þetta verra og óhugn­an­lega.“

Mest lesið í mánuðinum

Nýtt efni

Mest lesið undanfarið ár