Stundin hefur að und­an­förnu fjallað um sókn íslenskra vél­hjóla­klúbba og tengsl þeirra við alþjóð­leg glæpa­sam­tök. Helgi Gunn­laugs­son, afbrota­fræð­ingur og pró­fessor í félags­fræði við Háskóla Íslands, er einn helsti sér­fræð­ingur okkar Íslend­inga þegar það kemur að skipu­lögðum glæpa­sam­tökum og íslenskum vél­hjóla­klúbbum sem þeim tengj­ast. Hann segir það brýna spurn­ingu hvað yfir­völd eigi að gera í  málum þess­ara klúbba.

„Yfirvöld hafa sjálf tekið þann pól í hæð­ina að best sé að kæfa sam­tök af þessu tagi strax í fæð­ingu. Sem hefur þýtt að stundum hafa aðgerð­irnar verið á grens­unni að standa lög og frið­helgi einka­lífs. Og klúb­b­arnir ekki náð að festa rætur sem er jákvætt fyrir sam­fé­lagið eins og reynslan af þessum klúbbum erlendis sýnir, einkum og sér í lagi útlaga­klúbbanna og eins pró­sents-gengj­anna svoköll­uðu, sem eru oft hálf­gerð plága,“ segir Helgi.

„Ég þekki til dæmis dæmi frá Noregi þar sem klúbbar hafa komið sér fyrir í hverfum borga og nágrannar kvarta og ótt­ast þá og eignir falla í verði. Gengja­stríðin í Danmörku eru síðan alræmd og borg­arar lent á milli og skað­ast. Við viljum ekki sjá ófögnuð af þessu tagi í umhverfi okkar hér á landi,“ segir Helgi, sem áréttar þó að stjórn­völd verði að fylgja almennum lögum.