Bjarni Bene­dikts­son for­sæt­is­ráð­herra hefur skipað Illuga Gunn­ars­son, fyrr­ver­andi ráð­herra Sjálf­stæð­is­flokks­ins sem hætti í stjórn­málum í kjöl­far hneyksl­is­máls á síð­asta kjör­tíma­bili, í þriggja manna verk­efn­is­stjórn um end­ur­mat íslenskrar pen­inga­stefnu. 

Ásamt Illuga eiga sæti í nefnd­inni þau Ásdís Krist­jáns­dóttir, hag­fræð­ingur og for­stöðu­maður efna­hags­sviðs Samtaka atvinnu­lífs­ins, og Ásgeir Jónsson, hag­fræð­ingur, for­seti hag­fræði­deildar HÍ, efna­hags­ráð­gjafi verð­bréfa­fyr­ir­tæk­is­ins Virð­ingar hf. og fyrrum for­stöðu­maður grein­ing­ar­deildar Kaup­þings. 

Tilkynnt er um skipan verk­efn­is­stjórn­ar­innar á vef fjár­mála­ráðu­neyt­is­ins í dag en sam­kvæmt svari við fyr­ir­spurn Stund­ar­innar er það for­sæt­is­ráð­herra sem skipar nefnd­ina, ekki Benedikt Jóhann­es­son fjár­mála­ráð­herra. End­ur­skoð­unin heyrir undir ráð­herra­nefnd um efna­hags­mál sem mun funda reglu­lega með Má Guð­munds­syni seðla­banka­stjóra um fram­vindu vinn­unnar.

Að því er fram kemur í frétta­til­kynn­ing­unni er mark­mið end­ur­skoð­un­ar­innar „að finna þann ramma pen­inga- og gjald­mið­ils­stefnu sem til lengri tíma litið er heppi­leg­astur til að styðja við efna­hags­legan og fjár­mála­legan stöð­ug­leika með til­liti til hag­vaxtar, verð­bólgu, vaxta, gengis og atvinnustigs“.

Bjarni Bene­dikts­son og Illugi Gunn­ars­son voru …