Rúmlega tví­tug stúlka frá Akureyri greip til þess ráðs um helg­ina að birta sam­skipti sín við stjúp­móður sína á Facebook. Samtalið, sem sner­ist um útskrift stúlkunnar úr mennta­skóla, umhverfð­ist að mestu um áliti stjúp­móð­ur­innar á hold­ar­far hennar. Að sögn móður stúlkunnar hefur stjúp­móð­irin stundað slíka fram­komu árum saman.

„Hæ, ertu búin að finna þér eitt­hvað til að vera í við útskrift­ina?“ spyr stjúp­móð­irin í Facebook-skila­boðum til stjúp­dóttur sinnar, sem stóð frammi fyrir því að útskrif­ast úr mennta­skóla. „[Faðir stúlkunnar] var að tala um við mig að hann hefði áhyggjur af þessu, sko. Þú værir búin að bæta svo miklu á þig, sagði hann… Fullt af góðum sauma­konum sem geta reddað þér. Vonandi finnur þú eitt­hvað, vina, erfitt að vera svona stutt og feit. Allavega vona ég það besta þín vegna, maður útskrif­ast bara einu sinni úr VMA [Verk­mennta­skól­anum á Akureyri]“.

Ertu að spá í að fara beint á bætur?

Í kjöl­farið spyr hún stjúp­dóttur sína út í það hvað hún vilja læra í háskóla. „Væri kannski bara snið­ugt að sækja um hlut­laust nám til að byrja með, s.s. nútíma­fræði er í raun fyrir þá sem vita ekk­ert í sinn haus og geta þá valið áfram. Bara svona þanka­gangar hjá mér og [föður þínum], sko, þannig að þú fáir tæki­færi til að mennta þig frekar í stað lág­launa­starfa :) ... Eða ertu kannski bara að spá í að fara beint á bætur? Gaman að fá að fylgj­ast með, margir að spyrja mig en ég veit svo lítið annað en þú býrð hjá pabba þínum sem er enn eina með­ferð­ina á Vogi og fleira. 
Leið­in­legt fyrir þig að passa ekki í neitt og svona. 
Dullu­vor­kenni þér.
Elskan, segðu nú eitt­hvað :)“

„Hann var að sýna mér nýlegar myndir og benda mér á að þú værir orðin alveg svín­feit“

Sjúp­móð­irin heldur síðan áfram að viðra áhyggjur sínar. „[Faðir þinn] hefur svo miklar áhyggjur af því að þú passir ekki í neitt vegna offitu. Hann var að sýna mér nýlegar myndir og benda mér á að þú værir orðin alveg svín­feit, hehehe, hvaða vit hefur hann á því?“

Eftir að hafa fengið svar frá þriðja aðila, sem svarar í nafni stúlkunnar, reynir stjúp­móð­irin að útskýra að hún hafi verið að reyna að gleðja stúlk­una með sam­skipt­unum. „Ég veit alveg hvernig er að fá ekki mikið á sig vegna fitu. Langaði þá bara að hún léti sauma á sig svo hún yrði glöð á útskrift­ar­dag­inn. Hún er búin að bíða svo lengi eftir honum, fatt­arðu? Alls ekki illa meint, sko. Bara það sem við hjónin [stjúp­móð­irin og fað­ir­inn] ræddum um. Svo ég ákvað að tékka.“

Segist reyna að hjálpa henni

Þegar sjúp­móð­irin fær beiðni um að hætta með þeim orðum að þetta sé dóna­skapur skirrist hún við. „Ha, nú, ókei. Ég skal ekki segja meira. Má aldrei reyna að leið­beina henni? Ókei. Ekkert mál. Segi [föður stúlkunnar] það. Hann er með áhyggjur, ekki ég. Síðan hvenær er dóna­skapur að reyna að hjálpa, sér­stak­lega þar sem hún er senni­lega ekki að fá neitt staðlað á sig?“

Færslu stúlkunnar á Facebook hefur verið deilt tæp­lega þús­und sinnum.

Eftir að sam­skiptin eiga sér stað biðst stúlkan undan því að stjúp­móðir hennar mæti í útskrift­ar­veisl­una. „Þú getur komið eftir að ég er farin. Ég hef ekki áhuga á að hitta þig miðað við hvernig þú kemur fram við mig.“

„Ókei, þá kemur [fað­ir­inn], ef ég fæ hann til þess. Hann vill hafa mig með, sorry. Hvað verður þú með langa við­veru? Þú getur líka bara bannað mér að koma, það er týpískt þú.“

„Ég hef meira að segja farið með við­bjóðs­leg skila­boð frá henni til [dóttur minnar] til lög­regl­unnar“

Að sögn móður stúlkunnar hefur hún oft gagn­rýnt stjúp­móð­ur­ina fyrir fram­komu hennar í garð dótt­ur­innar. „Ég hef meira að segja farið með við­bjóðs­leg skila­boð frá henni til [dóttur minnar] til lög­regl­unnar og látið bóka þau. Þá var dóttir mín 15 ára. Svona hefur þetta verið í mörg ár.“