Fjöldauppsögn hjá Plain Vanilla: „Fyrirtæki með enga innkomu hlýtur að þurfa að fækka starfsmönnum“

Fjórtán manns var sagt upp störfum hjá tölvu­leikja­fram­leið­and­anum Plain Vanilla í dag. Upp­sagn­irnar koma í kjöl­far kaupa banda­ríska tölvu­leikja­fé­lags­ins Glu Mobile á stórum hlut í félag­inu. Starfs­menn tölvu­leikja­fé­lag­ins hafa orð á því á það félagið hafi verið að brenna pen­inga und­an­farin miss­eri.

Fjórtán manns var sagt upp störfum hjá tölvu­leikja­fram­leið­and­anum Plain Vanilla í dag. Það er nærri tutt­ugu pró­sent allra starfs­manna félags­ins en áður voru starfs­menn um átta­tíu tals­ins. Samkvæmt heim­ildum Stund­ar­innar störf­uðu margir þeirra sem sagt var upp störfum í hinni svoköll­uðu content-deild, deild sem hélt utan um fram­leiðslu á spurn­ingum fyrir QuizUp leik­inn sjálfan. Að minnsta kosti fimm manns voru reknir úr þeirri deild og er það stór hluti deild­ar­innar.

Stundin hefur rætt við nokkra þeirra sem voru reknir í dag. Nær allir höfðu orð á því að upp­sögnin hafi ekki komið þeim á óvart. „Þetta kemur mér ekk­ert á óvart. Fyr­ir­tæki með enga inn­komu hlýtur að þurfa að fækka starfs­mönnum,“ segir einn fyrr­ver­andi starfs­maður Plain Vanilla. Tveir starfs­menn höfðu orð á því á það félagið hafi verið verið að brenna pen­inga und­an­farin miss­eri. „Það má orða það þannig að við höfum verið að kveikja í pen­ingum. Við erum búnir að vinna á þessu hlutafé til að fá ein­hverja pen­inga til baka,“ segir annar fyrr­ver­andi starfs­maður Plain Vanilla.

Ljóst er að upp­sagn­irnar tengj­ast kaupum banda­ríska tölvu­leikja­fé­lags­ins Glu Mobile á stórum hlut í Plain Vanilla. Samkvæmt frétt mbl.is er stefnt að sam­ein­ingu fyr­ir­tækj­anna á næstu 15 mán­uðum. „Þeir eru að reka fyr­ir­tæki með fullt af fólki og pen­ing­ur­inn klárað­ist fyrir ein­hverju síðan, eins og gengur og ger­ist. Það er alltaf verið að spyrja hvernig fyr­ir­tækið sé að græða pen­ing en það hefur ekki verið að gera það. Það er ekk­ert leynd­ar­mál. Nú er það þannig að það þarf að finna meira fjár­magn og það ger­ist í þessum iðn­aði að þú færð ekki jafn mikið fjár­magn og þarf til að keyra svona batt­erí með fullt af fólki,“ segir einn þeirra starfs­manna sem var rek­inn í dag.

Stundin greindi nýverið frá því að miklar vær­ingar hafi verið á meðal starfs­manna félags­ins. Starfs­menn höfðu óskað eftir að fá trún­að­ar­mann á vinnu­stað­inn en dregið var úr því af yfir­mönnum. Trún­að­ar­maður var þó kos­inn nýverið á vinnu­staðnum. Í þeirri frétt kom einnig fram að fjöldi starfs­manna væru hræddir við Gunnar Hólm­stein Guð­munds­son, rekstr­ar­stjóra félags­ins.

Síð­ast­lið­inn des­em­ber fjall­aði Stundin um fjár­hags­stöðu félags­ins en rekstr­ar­kostn­aður Plain Vanilla hefur verið gíf­ur­lega mik­ill, en hann nam rúm­lega tveimur millj­örðum króna á síð­ast­liðnum tveimur árum. Í fyrra voru rekstr­ar­tekj­urnar 845 millj­ónir króna en voru 222 millj­ónir króna árið þar áður. Þetta kemur fram í árs­reikn­ingi fyr­ir­tæk­is­ins fyrir árið í fyrra en í fyrra komu nær allar tekjur fyr­ir­tæk­is­ins, rúm­lega 873 millj­ónir króna, frá hlut­höfum fyr­ir­tæk­is­ins erlendis.

Við­skipta­blaðið greindi frá því í sein­ustu viku að launa­kostn­aður Plain Vanilla hafi numið 873 millj­ónum króna árið 2014.

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

2
Viðtal

Ef við kveðjum tungu­málið, þá týnum við vídd draumanna

Í sögu íslenskra bók­mennta í þús­und ár er lögð áhersla á raddir inn­flytj­enda, þá sem nú. Höf­und­ur­inn, Halldór Guð­munds­son, öðl­að­ist tveggja heima sýn ungur í Þýska­landi. Að læra lat­ínu frá 10 ára aldri lam­inn af kenn­ara sem skildi hann ekki, í sárum eftir heims­styrj­öld. Seinna spurði hann sig: „Hver má tala?" Í dag segir hann: „Íslend­inga­sögur dags­ins í dag eru að hluta til sagðar af fólki sem hingað hefur flutt."

Mest lesið

Mest lesið í vikunni

5
Innlent

Hætta á að lánin hækki þó íbúða­verð lækki

Már Wolfgang Mixa hag­fræði­pró­fessor segir að stór hluti eigin fjár íbúða­eig­enda gæti þurrkast út á kom­andi mán­uðum. Verð­tryggðar fast­eigna­skuldir hækki í verð­bólgu­tíð sam­hliða því að íbúða­verð gæti lækkað. Hann leggur til að verð­tryggð hús­næð­is­lán fylgi íbúða­verði en ekki vísi­tölu neyslu­verðs. Þá myndu bank­arnir bera hluta áhætt­unnar.

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.

Mest lesið í mánuðinum

Mest lesið undanfarið ár